Configuración do proxy web da USC
Contidos
1 Mozilla Firefox 2 Google Chrome
Un proxy é un servidor intermedio a través do cal accedemos a recursos e servizos. No caso da USC, o uso do proxy web permítenos navegar cun enderezo de rede da Universidade, co que poderemos acceder a servizos limitados á rede interna.
Este manual describe o procedemento para configurar o proxy web da USC nos nosos
navegadores (Mozilla Firefox ou Google Chrome) mediante unha extensión. O sistema funciona tanto en Windows 10 coma en Linux.
O uso dunha extensión permite activar e desactivar o uso do proxy dun xeito sinxelo. Cómpre ter en conta que é recomendábel ter o proxy activado unicamente cando o precisemos para acceder a un recurso limitado á rede da USC, e nunca de forma permanente.
1 Mozilla Firefox
Para instalar FoxyProxy Standard en Firefox debemos entrar na web da extensión e premer en Add to Firefox/Engadir a Firefox.
Unha vez instalado aparecerá o icono na parte superior dereita do navegador.
O seguinte paso é configurar a extensión premendo no seu icono e seleccionando Options no menú.
Na pantalla de opcións prememos en Add, enchemos o formulario cos datos a seguir e facemos clic en Save.
Title: USC
Proxy type: HTTP Proxy IP: proxy.usc.es Port: 8080
Username: nome.apelido@usc.gal (o noso correo electrónico) Password: (contrasinal das nosas credenciais de acceso na USC)
Agora que xa temos configurada a extensión podemos comezar a usala. Abrimos unha nova aba e prememos no icono para activar o proxy da USC para a nosa navegación.
O texto USC con fondo de cor verde no icono indicaranos que a configuración do proxy está activa. Se escribimos un enderezo na barra da URL, accederemos á páxina escollida a través da rede da USC (e con IP da Universidade). Podemos verificalo na páxina
https://www.whatismyip.net, onde vemos que navegamos cunha IP que non é da nosa operadora de telecomunicacións, senón da Universidade.
Finalmente, unha vez finalizados os trámites para os que precisamos acceder á rede con IP da USC, é recomendábel desactivar a configuración do proxy. Para iso, volvemos premer no icono da extensión e seleccionamos Turn off.
2 Google Chrome
Para instalar FoxyProxy Standard en Chrome debemos entrar na web da extensión e premer en Add to Chrome/Engadir a Chrome. Unha vez instalado aparecerá o icono na parte superior dereita do navegador.
O seguinte paso é configurar a extensión premendo no seu icono e seleccionando Options no menú.
Na pantalla de opcións prememos en Add New Proxy, enchemos o formulario cos datos a seguir e
facemos clic en Save.
Host or IP Address: proxy.usc.es Port: 8080
Username: nome.apelido@usc.es (o noso correo electrónico) Password: (contrasinal das nosas credenciais de acceso na USC)
Agora que xa temos configurada a extensión podemos comezar a usala. Abrimos unha nova aba e prememos no icono para activar o proxy da USC na nosa navegación.
A cor do icono indicaranos que a configuración do proxy está activa. Se escribimos un
enderezo na barra da URL, accederemos á páxina escollida a través da rede da USC (e con IP da Universidade). Podemos verificalo na páxina https://www.whatismyip.net, onde vemos que navegamos cunha IP que non é da nosa operadora de telecomunicacións, senón da
Universidade.
Finalmente, unha vez finalizados os trámites para os que precisamos acceder á rede con IP da USC, é recomendábel desactivar a configuración do proxy. Para iso, volvemos premer no icono da extensión e seleccionamos Disable FoxyProxy.
Nota: en Chrome non funcionan as credencias de acceso co dominio usc.gal, co que deberemos empregar sempre a variante usc.es.
