1
BASES PARA A CONTRATACIÓN DUNHA ASISTENCIA TÉCNICA PARA A
IMPARTICIÓN DA FORMACIÓN PRÁCTICA AGRARIA EN HORTICULTURA
ECOLÓXICA DENTRO DO PROGRAMA INTEGRADO PARA O EMPREGO
“BIO-EMPRENDE” (EXPTE. TR332A/2015-0025)
ANTECEDENTES
A RESERVA DE BIOSFERA MARIÑAS CORUÑESAS E TERRAS DO MANDEO
A Asociación de Desenvolvemento Rural “Mariñas-Betanzos” constitúese en xullo de 2008 coa finalidade de ser o núcleo de integración e representación dos diferentes axentes territoriais, institucionais, sociais e económicos, tanto públicos como privados, interesados en promover o desenvolvemento do territorio de actuación. Actualmente está a xestionar o Programa LEADER 2007-2013.
En maio de 2013, o territorio de actuación da Asociación de Desenvolvemento Rural Mariñas- Betanzos é declarada dentro do Programa MaB da UNESCO como Reserva de Biosfera “Mariñas Coruñesas e Terras do Mandeo” (RB MCeTM). Este recoñecemento ao territorio como lugar de experimentación de prácticas innovadoras para conciliar a actividade humana e a conservación do medio ambiente, abre novas oportunidades para traballar no fomento da sustentabilidade, contribuíndo a reducir a perda da biodiversidade conciliando aspectos ecolóxicos, sociais e económicos. Deste xeito, ademais das oportunidades ligadas á conservación ambiental e dos recursos naturais, perséguese o obxectivo dun desenvolvemento socioeconómico respectuoso co medio.
A declaración do territorio como Reserva da Biosfera supón a existencia dun Plan de Xestión (2013-2022) cuxa finalidade é establecer as liñas de actuación concretas para o cumprimento dos obxectivos das Reservas da Biosfera.
Garantir un desenvolvemento sustentable do espazo rural é clave para apoiar a mellora da renda das explotacións agrarias, incluíndo a mellora da calidade das producións, o respecto polo medio ambiente, o mantemento dos servizos ecosistémicos e a diversificación das actividades. Neste senso as Reservas da Biosfera deben xogar un papel clave no fomento de prácticas agrarias sustentables que permitan obter produtos de mellor calidade fomentando simultaneamente a conservación da biodiversidade.
A Asociación de Desenvolvemento Rural Mariñas- Betanzos é a entidade xestora encargada de levar a cabo as distintas funcións ligadas á Reserva da Biosfera. O territorio declarado ocupa un total de 116.724 ha, o que representa o 14,33 % da superficie da provincia de A Coruña, repartidas en 17 concellos (Abegondo, Aranga, Arteixo, Bergondo, Betanzos, Cambre, Carral, Coirós, Culleredo, Curtis,
Irixoa, Miño, Oleiros, Oza-Cesuras, Paderne, Sada e Sobrado) e unha poboación próxima aos 190.000
habitantes.
O PROGRAMA INTEGRADO DE EMPREGO “BIO-EMPRENDE”
No ano 2015, a ADR “Mariñas-Betanzos” presenta a proposta do Programa Integrado para o Emprego “Bio-Emprende”, que ten sido aprobado pola Consellería de Traballo e Benestar da Xunta de Galicia na convocatoria do ano 2015. O Programa “BIO-EMPRENDE” está enmarcado nos Programas Integrados para o Emprego dirixidos á inserción laboral das persoas en situación de
2 desemprego, segundo a Orde do 31 de Decembro de 2014 pola que se establecen as bases reguladoras e a convocatoria pública para a concesión de subvencións para a posta en práctica de programas integrados de emprego de Galicia durante os anos 2015 e 2016.
O Programa “BIO-EMPRENDE” pretende baixo un enfoque innovador, dar formación eminentemente práctica a desempregados/as sobre a PRODUCIÓN DE HORTA ECOLÓXICA e de AGROINDUSTRIA E TRANSFORMADOS (viño, sidra, cervexa, zumes, conservas vexetais, marmeladas, leites vexetais, xabóns e cosmética natural), e sobre outras actividades ligadas ao EMPRENDEMENTO VERDE (bioconstrución, aproveitamento da biomasa forestal, avicultura ecolóxica, apicultura, aproveitamentos do monte) con clases teóricas e prácticas presenciais entre os meses de novembro de 2015 e setembro de 2016.
CLÁUSULAS
1. OBXECTO DA ASISTENCIA.
A presente convocatoria ten por obxecto:
Prestación dun servizo de asistencia técnica e aportar os coñecementos e experiencia para desempeñar as funcións de “IMPARTIR FORMACIÓN PRÁCTICA AGRARIA EN HORTICULTURA ECOLÓXICA”.
2. TRABALLOS A DESENVOLVER.
Desenvolver e impartir formación práctica en produción hortícola ecolóxica cunha duración total de 70 horas, podendo ampliarse en caso de ser necesario para levar a cabo o acompañamento dos proxectos que poidan desenvolverse polos demandantes. Esta formación práctica estará dirixida aos 25 demandantes participantes no Itinerario I (Produción Hortícola Ecolóxica), e pivotará fundamentalmente sobre o Temario incluído na proposta aprobada no Programa Integrado de Emprego que se xunta como Anexo II.
Desenvolver e impartir formación práctica en campo (explotacións hortícolas) en produción hortícola ecolóxica cunha duración total de 35 horas. Esta formación está dirixida aos 25 demandantes participantes no Itinerario I (Produción Hortícola Ecolóxica), e virá a reforzar a formación teórica.
Facer o control e seguimento (follas de control e material fotográfico) da asistencia dos demandantes participantes no Itinerario I.
Desenvolver unha avaliación continua sobre o perfil emprendedor dos demandantes participantes, para o intercambio de información cos responsables e técnicos da ADR “Mariñas-Betanzos” e a cumplimentación dun informe mensual.
Realizar unha avaliación final aos participantes do programa cos contidos impartidos.
Facer entrega á ADR “Mariñas-Betanzos” do material didáctico, en soporte dixital, empregado para a formación, quedando a propiedade intelectual do mesmo nos seus autores.
3. ORZAMENTO
O orzamento de licitación é de catro mil setencentos vintecinco euros, impostos incluídos (4.725,00.-€). Este importe pode ser inferior senón se certifican o total de horas previstas.
3 4. REQUISITOS DAS PROPOSTAS. SOLVENCIA ESIXIDA AO FORMADOR
Os candidatos/as deberán reunir e acreditar os seguintes requisitos:
a) Poderán contratar persoas naturais ou xurídicas que teñan plena capacidade de obrar.
b) A súa solvencia económica e financieira mediante a Declaración de non ter débedas coa Administración.
c) A súa solvencia profesional, sendo imprescindible para concursar:
Estar en posesión do título de Enxeñaría Agrónoma, Enxeñaría Técnica Agrícola e/ou similares.
Acreditar, ao menos, a impartición de 350 horas de formación.
5. CRITERIOS PARA A ADXUDICACIÓN
5.1. A adxudicación farase de acordo á seguinte relación de criterios:
Criterio Valoración
Capacidade técnica e experiencia previa (nº horas de formación similar impartida; anos de experiencia profesional; nº de publicacións; nº horas de asesoramento a emprendedores/explotacións agrarias; anos de experiencia na xestión/desenvolvemento de Programas de Desenvolvemento Rural – Proder, Leader.)
Ata 15 puntos
Metodoloxía para a realización dos traballos (metodoloxía, coordinación coa Asociación
Mariñas-Betanzos, seguimento e acompañamento a proxectos) Ata 5 puntos Melloras presentadas (nº de horas de formación; nº de horas de
asesoramento/acompañamento a proxectos; etc.) Ata 5 puntos
Proposta económica Ata 5 puntos
Total valoración máxima 30 puntos
A puntuación máxima será de 30 puntos.
Resultará seleccionada aquela proposta que obteña a maior puntuación. 5.2. Forma de acreditación dos baremos de selección e documentación a presentar:
1. Fotocopia do DNI da persoa e/ou CIF da entidade, de ser o caso.
2. Acreditación da capacidade técnica e experiencia previa da persoa que impartirá a formación:
a. Curriculums vitae e titulacións académicas e profesionais. b. Informe de vida laboral.
3. Memoria, onde se recolla:
a. Metodoloxía para a realización dos traballos (metodoloxía; coordinación coa Asociación Mariñas-Betanzos; seguimento e acompañamento a proxectos).
b. Melloras propostas, de ser o caso (nº de horas de formación; nº de horas de asesoramento/acompañamento a proxectos; etc.).
4 6. COMISIÓN DE AVALIACIÓN
6.1. A Comisión de Avaliación estará composta polos seguintes membros: TITULARES
Presidente:
D. José A. Santiso Miramontes. Presidente da Asociación de Desenvolvemento Rural Mariñas-Betanzos.
Vogais:
D. César Longo Queijo. Vicepresidente da Asociación de Desenvolvemento Rural Mariñas-Betanzos.
D. Rodrigo López Piquín. Representante do Concello de Oleiros na Asociación de Desenvolvemento Rural Mariñas-Betanzos.
D. Diego Miranda Barrós. Coordinador técnico do Programa Biosfera-Emprega. Secretaría:
Dna. Catalina Rodríguez Rodríguez. Secretaria da Asociación Mariñas-Betanzos.
6.2. Tódos os membros da Comsión de Avaliación terán voz e voto. Tamén está previsto a asistencia de asesores, caso de considerarse necesario, con voz pero sen voto, nomeados polo Presidente da Comisión de Avaliación.
6.3. Para a válida constitución da Comsión de Avaliación aos efectos de celebración de sesións, deliberacións e toma de acordos, requirirase a presencia da metade máis un dos membros que a compoñen.
7. PRESENTACIÓN DE PROPOSTAS E PRAZO DE EXECUCIÓN
A data límite para a presentación de propostas será o 19 de novembro de 2015.
As propostas dos candidatos a adxudicatarios da asistencia técnica, así como o ANEXO I (Modelo de Solicitude e Orzamento) debidamente cumprimentado deberán presentarse dos seguintes xeitos:
a. Formatos dixitais (obrigatorio):
Por medio do enderezo electrónico info@marinasbetanzos.org, indicando no asunto “Concurso
Asistencia Técnica Impartición Formación Práctica Agraria en Horticultura. Programa Bio-Emprende” e
marcando o envío con acuse de lectura. b. Formato papel (opcional):
Para aqueles que desexen facer entrega tamén de maneira complementaria as súas propostas en formato papel, poderán achegarse á sede da Reserva de Biosfera ou ben remitilas por correo postal ao seguinte enderezo:
Asociación de Desenvolvemento Rural Mariñas Betanzos Rúa San Marcos, s/n, 15318 Abegondo (A Coruña)
En Abegondo, 4 de novembro de 2015
Asdo.: D. José Antonio Santiso Miramontes
5
ANEXO I: MODELO DE SOLICITUDE E ORZAMENTO.
CONTRATACIÓN DE ASISTENCIA TÉCNICA PARA A IMPARTICIÓN DA FORMACIÓN PRÁCTICA AGRARIA EN HORTICULTURA ECOLÓXICA DENTRO DO PROGRAMA INTEGRADO PARA O EMPREGO “BIO-EMPRENDE” (EXPTE. TR332A/2015-0025)
DATOS DA EMPRESA
NOME / RAZÓN SOCIAL C.I.F.
DIRECCIÓN TELÉFONO
NOME DO REPRESENTANTE E D.N.I.
OFERTA ECONÓMICA
OFRÉCESE UNHA PROPOSTA ECONÓMICA PARA A EXECUCIÓN DO ESTUDIO DE: EUROS (I.V.E. incluído)
A persoa abaixo firmante en representación da empresa arriba sinalada, solicita ser admitida no concurso ó que se refire a presente instancia e DECLARA que son certos os datos consignados nela, comprometéndose a probar documentalmente tódolos datos que figuran nesta solicitude.
SINATURA REPRESENTANTE En__________________, a ____, de Novembro de 2015
SR. PRESIDENTE DA ASOCIACIÓN DE DESENVOLVEMENTO RURAL MARIÑAS-BETANZOS
6
ANEXO II: TEMARIO A IMPARTIR NO ITINERARIO I DO PROGRAMA BIO-EMPRENDE
Módulo I. “Agrotecnoloxía”
o Multiplicación e conservación de recursos fitoxenéticos “in situ”. o A produción ecolóxica e as prácticas respectuosas co medio ambiente. o Selección varietal.
o Orientación para a transformación ecolóxica. o Control de pragas e enfermidades.
o Control de malezas. o Extractos de plantas. o Fertilización.
o Compostaxe e análises de fertilidade. o Infraestrutura ecolóxica: sebes e niños. o Mecanización.
o O material vexetal: produción de plantas e variedades autóctonas. o Rega.