EL EBO.
1.
Primer Tablero.
1.1 Oshe Tura:
Aquí el interesado irá saludando el Tablero con sus dedos golpeando el Opon, pues aquí nació el arte del Saludo en los humanos. El Awo pasará el Ebbo embarrado de Ashe sobre la Lerí en forma Circular al aire pues aquí el Ashe da Aliento de Vida y salvó al mundo del caos, también en reconocimiento pues es el que hace el Ebbo eficaz, Oshe Tura es el recadero de todos los signos y representa el Nacimiento de Eshu.
Oshe Tura eshu awa tete, Oshe Tura eshu awa tete, Oshe Tura eshu awa tete. Oshe tura asekonse molona adifafun iyokosobo, Oshe tura onito werete adifafun ile yebu.
Suyere: Aurela aurele aureleo, Aurela aurele aureleo, adifafun umbatolosi ile yebu, Aurela aurele aureleo.
Ebo losono ebo losono, uyereve ebo losono (3 veces).
Oferekete ayabadideo oferekete ayabadide (para levantar a la persona).
1.2 Oyekun Nilobe
Se prueba el Ashe con el Irofá y se pone el Ebbo en las rodillas del interesado para que lo Mesa como si fuera un niño. Se prueba el Ashe pues aquí los Babalawos le hicieron Trampa a Olofin con la Letra del Año, se pone el Ebbo en las Rodillas y se mece porque Eleggua avisó a Olofin chiflando por eso hay que malcriarlo. La misión de este signo es fijar los Oddun en el Tablero. Hay Ramas que chiflan en este signo.
Oyekun nilobe arun ni shupa keta siboru, Ifa she sikoda, Ifa she sikoda, Ifa she sikoda.
Suyere: Temi tore, temi tishe, moni awado.
1.3 Iwori Bofun
Se pone la mano izquierda en forma de Canto imitando un hacha y se hace como si fuera a cortar cabezas. Nació el Patíbulo y el Verdugo. Significa la Eliminación de Raíz DEL Mal para que prevalezca el Bien. Aquí lo malo se hace bueno y lo bueno inmejorable.
Iwori bofun omo abawiña, adifafun tabarifa, lampe shango lampe Olorun, Orumila omo abawiña orubo. Owelenifa lampe Shango abawiña, odofa, añiñifa lampe Shango.
Suyere: Were nito were, were nito were, Shango takua, nito were.
1.4 Oshe Paure
Se abre el Ebbo y se enseña a Olorun, después se pasa por el Suelo al lado derecho de la Estera. Esto es por que aquí se abrió la Puerta del Cielo, nacieron las Religiones, la Videncia Mental, los altares.
Esto significa que el hombre debe recorrer un Camino duro en la tierra ( se arrastra el Ebbo ) para poder llegar a Ara Onu. ( Reino de Paz Eterna. )
Oshe paure shilekonfebo, Olorun shilekonfebo, inle mope aye ashenifa mori yeyeo wan wan laye Oluo Ifayoko telenifa shilekonfebo onibaraba niregun, orumale isota Olorun kokoibere eyenifa asheto, ashe orumale, guamale, ashebo asheto.
Suyere: Awayeni Olorun ayawa Olorun Shango ee. Oñi abeo Osun, eñi adie Oshun, ayawo Shango.
1.5 Obara Bobe
Se echa agua al Ebbo y el Awo rocía agua sobre su cabeza salpicando a los presentes mientras canta el Súyere. El agua al Ebbo es en Memoria del Nacimiento del Ebbo Apuayeru, se rocía agua pues en el aire ésta describe un Arco ó Abanico que significa el ABANICO DE LOS AWOSES DIFUNTOS, el omi al caer en el suelo refresca, pues a las 12 meridiano pasa el SANTÍSIMO.
Obara bobe lantosi omo edun, sherengunshe keboada felebo. Obara bobe lantosi omo edun, sherengunshere tinshomo Elewa keboada felebo. Obara bobe lantosi omo edun, sherengunshere tinshomo Elewa, kilanfiru iku, kilanfiru arun, kilanfiru ofo, kilanfiru eyo, …
Suyere: Ifa timodashe obara bobe Ifa timodashe. (3 veces)
1.6 Obe Bara
El Awo une los dedos Indice y del Medio de la mano izquierda y se toca la Frente. Los dedos simbolizan dos personalidades diferentes en uns misma Lerí, es que aquí nació el TRASTORNO DE LA PERSONALIDAD.
Obe bara bi abere baba terere adifafun ses, bi abere baba terere adifafun Shango, bi abere baba terere alordafun Olofin. Baba yeku koladeo oye unlo awere ni Orumila to iban Eshu, bi abere baba terere adifafun Olofin.
Suyere: Emi oba omoloyumu, emi oba omoloyumu, akorikoba omoloyumu, emi oba omoloyumu.
1.7 Obe Yono
Tocarse el Vientre y Soplar hacia fuera. Nos recuerda que se come para vivir y no vivir para comer, trastornos Estomacales. Nace el IÑAFA para proteger al Awo.
Obe yono obosobo obokono, adifafun shena, aberosa onibaraba niregun abeyekun lade Oluo popo. Adifafun Oddua, wayeni Olofin.
Iku sewere, arun sewere, ofo sewere, eyo sewere…. Adeyeni, moguayeni, eweyeni, oduno lade Oluo popo. Ire ariku, ire oma, ire owo,…
Suyere: Efunshe nagera kun sewere kun, abo ikun, bokono agekun, abo ikun sewere.
1.8 Ogunda Bede
El Awo hace con la mano izquierda como si fuera a cerrar o correr una Cortina para impedir la Vista de los Curiosos. Para evitar los Malos Ojos.
Ogunda bede nigara onigara odebe yaro ebio oforogue aye, omi nitanle, adifafun Shango, Eshu añaki, adifafun Oluo funke, asheto, ashebo, ashe lomu, ariku baba. Suyere: Baba yeni wawao, Baba yeni wawao, odo aremu wawao, baba yeni wawao.
1.9 Obe Sa
Se hace como si Amasara con las manos una ATEMOLETA . Aquí se Consagró la ATEMOLETA
Obe sa afefe salu aye, afefe salu Olorun, adifafun ewe bana, awaifa afefe lorun, awayeni abo, awayeni Orumila, Oba yolorun Shango, afefe salu aye afefe salu Olorun, adifafun ewe bana.
Suyere: Abonsa aboniya abo loda iki, abonsa aboniya, abo loda iki, Osheminie.
1.10 Osa Lofobeyo
Se toca con el Ebbo de Hombro a Hombro por encima de la Cabeza del interesado y se mueve el Ebbo en forma circular frente a sus Ojos. Lo primero es para que solo los Osha pasen sobre su Cabeza y no los Hombres. Aquí nació que los Osas bajen a las Cabezas. Lo segundo se hace para que la Hipocresía y la Tentación no lo Cieguen. ( Nacen ambas ).
Osalofobeyo laminagada tori yampo be, lampe Shango, kawo kabiesile laminagada, adifafun ishuyelu, oba rona oba ishuyelu, yenye ni ewa ni Olokun, Ifa Ishiyele, piriti mode alara, omode alara, lampe Shango laminagada.
Suyere: Piriti piriti mode alara, piriti piriti laminagada.
1.11 Obe Tua
El Awo extiende sus dos manos abiertas hacia arriba y después presenta el Ebbo a los cuatro Puntos Cardinales. Nacieron las dos Manos de Ifa y nació presentar el Ebbo a los cuatros puntos.
Obe tualara baba mafon seisi, adifafun oluo aladi mafon seisi adifafun ayapa tiroko, lolanifa adifafun Olofin, adifafun Oluo popo, adifafun Oddua.
Suyere: Orumila awo yonileo, Orumila awo yonileo, awo oba yonileo, Orumila awo yonileo. Ashebo, asheto, ashe lomu, ariku babawa.
1.12 Otura Niko
Se mojan los 4 Puntos del Opon con Oti y se sopla a los 4 vientos para limpiar al personaje del Osobbo del Oti.
Otura niko oriko lowao, obenre aye awo ketanshe anirewe afefe lorun, Orishaoko moforibale yikotun moforibale yikosi.
Suyere: Orishaoko dide baba kareo kare lawa, Orishaoko dide baba kareo kare lawa.
1.13 Ojuani Boka
Se pone Omiero o en su carencia agua en la Cruz del Opon, se le echa Ashe y se le da a tomar a la persona. Aquí Osain se casó con INLE Oguere y los casó Orishaoko.
Ika ikale kalaye eyeni Olofin yewele sewe leye Osain awayeni kuelese kan kuelese meyi.
Suyere: Monu ekue moasarain, monu ekue mosarain.
1.14 Ogunda Tetura
El Awo simula ponerse cuna Corona con sus dos manos para que no lo Gobierne el Astío Religioso que nace en este Ifa y la Corona Adelawo o Corona del Awo nacen en este signo también. NOTA :- Esto se logra entrecruzando las puntas de los dedos y uniendo las Palmas, y poniendo la parte interior de las Muñecas en el centro de la Cabeza.
Ogunda tetura awo madi awo moroko awo mamarosodo oba yanifa
Suyere: Baba yewe yeweleri, baba yewe yeweleri, kayaba yewe yeweleri, baba Olofin yewe yeweleri.
1.15 Obe Di
Se dan tres toques con el dedo del medio izquierdo sobre la frente, esto simboliza la sabiduría repartida entre la cabeza.
Obe di lele obe di kaka adifafun morotita iyalama borotiti olonton omo aban shara wara ola, adifafun ambati Orunla.
Suyere: Obe di lele Obe di kaka adifafun morotita.
1.16 Ogunda Fun
Se apunta con el Irofa al cielo y después a la tierra. Esto es porque aquí ambos ENTRARON EN DISPUTA.
Ogunda fun wewe yeye nowe yeye oni onirewe omo Osain kuelese kan kuelese meyi, abaye Orunmila.
Suyere: Baba erurun erurun layeo, baba erurun erurun layeo.
1.17 Odi Ka
Se toca el Ebbo por debajo como si fuera un Tambor Bata, se presenta en la frente del interesado. Esto es por que aquí nació la Presentación del Iyabo al Tambor.
Odi Ka okoloyu opuo adifafun orisaye tinshomo ayabara, abanifa, tinshomo Olofin adifafun Odua, adifafun Egun.
Suyere: Baba kerele Oba kerele, Oyu kerele Oba kerele, Ara kerele, Oba kerele, Egun kerele Oba kerele, Oddua kerele Oba kerele.
1.18 Otura Sa
Impoyampo weñenifa impoyampo ogue lade omo lampe Shango lampe Olorun. Suyere: Eki mewe eki mewe ewina kifabore Shango eki mewe.
1.19 Otura She
Según se va cantando, con la mano izquierda se da vueltas al Ebbo y con la derecha se le echa Iyefa. Esto se hace porque aquí se perdió el Ashe, nace la Pérdida de la Suerte.
Otura she baba yewe idakuda, irukudu, isekute, obereketu oni babalawo lodafun to iban eshu ashe Olofin. Idakuda, irukudu, isekute, obereketu oni babalawo lodafun Orumila ise kute, oyerenifa to iban eshu.
Suyere: Oshebe oshebeto oshebe kobofi koramuda asheto ashebe to iban eshu.
1.20 Otura Tiyu
El Awo se cruza los brazos pues Orula está diciendo que no le haga nada al Aleyo que no dará resultado y vendrá reclamando y lo abochornará.
Otura tiyu babaye Olofin, ashe lenu, ashe leri, akue leri, ashebo, asheto, ashe Orumila.
Suyere: Wan wan yeye ashebo ifa aruda (3 veces)
1.21 Osa Fun
Se manda al Aleyo a que bese la Estera. Aquí Olofin mando a los muchachos a hacer una Estera y por desobediente mandó a que les cortaran las Cabezas.
Ofunsaroso sotiña omo Orumila omo wina omo layebi Orun lonilele iku Suyere: Osafun ofunsaroso omo ala Ifa (3 veces)
1.22 Ofun Sa
Se pasa el Ebbo de las Caderas a los Pies limpiando las Piernas igual que Irete Meyi. Pues en este Ifa nació el Sillón de Ruedas.
Omo Ifa omo Olorun omo Ife baraba niregun omo Orumila adifafun Oshanlá, eboada felebo, oyere Osain, ewe shewerekekue.
Suyere: Osa okuyere obarawe … osa okuyere obarawe. Osain keye keye obarawe, Osain mowo oku yewao.
1.23 Oshebile
Oshebile adore abiawe abiatoto oni babalawo lodafun alakenta. Oshebile adore abiawe abiatoto oni babalawo lodafun alakentu. Oshebile adore abiawe abiatoto oni babalawo lodafun alakensisi. Ofi tererun ofun awo alakenta.
Ofi tererun ofun awo alakentu. Ofi tererun ofun awo alakensisi.
Eshu adada mato. Adelepe Elewa lekoleye kamanaño umbatiosode batalokun unlo.
Suyere: Sotuto tarawe yeye, sotuto tarawe yeye, baba dekun baba doma sotuto tarawe yeye.
1.24 Irete Suka.
Se manda al interesado a cruzar los pies y las manos por unos instantes. Esto es porque aquí nació la Meditación en los Hombres.
Irete Suka apekankola adifafun akopera ewere ode obini kuaye, obini awanifa, baraba niregun mejore eyebifa, Orumila orugbo.
Suyere: Eyureo ewa (6 veces)
1.25 Okana Yeku
Ika arufin aruda akitimbombo wa lashe asheto akitimbombo Orumila orugbo. Suyere: Arufin aruda enishebo ada (3 veces)
Kebo ada Baba … Yeye … Oluo … Oyubona … Iyalosha … Babalosha … Aseda … Akoda … Babalorisa opolopo Oluo, Osain timbeloro Olodumare.
1.26 Baba Eyiogbe
Se va echando Ashe y Agua al Ebbo Moyubbando a los Eggun. Esto es para evitar la Discordia y la Lucha de Contrarios que nacen en este Ifá.
Orunmila niodere odere layorieran… Orunmila niodere odere layorieku… Orunmila niodere odere layorieya… Orunmila niodere odere layoriadie… Orunmila niodere odere layorieure… niodere layori ashama iku… niodere ashama iña… niodere ashama araye… niodere ashama arun… niodere ashama ofo… niodere ashama eyo, onilú, ona, keta siború fase sikoda eleripin orinimogue ekun, orumale isota, Orumila lorugbo.
Suyere: Ashinima ashinima iku furibuyema, Ashinima ashinima arun furibuyema, Ashinima ashinima ofo furibuyema, Ashinima ashinima eyo furibuyema, osheminie.
1.27 Baba Oyekun Meyi
El Awo se tapa la cara con ambas manos y ve la oscuridad y el Pudor que nacen en este Ifa.
Baba yiyi meyi ariku madagua, onimimashasho pororó pororó, oni babalawo lodafun oluo agogo, kaferefun Shango niwa niloye, ni Orunmila pororó Oluo agogo, Orunmila lorugbo.
Suyere: Iku yemilo Iku yemilo uyereve, arun yemilo arun yemilo uyereve, ofo yemilo ofo yemilo uyereve, eyo yemilo eyo yemilo uyereve.
1.28 Baba Iwori Meyi
El Awo pasa su Pulgar izquierdo por el Cuello como una auto degollación. Este Ifá es el Angel Exterminador, es la Destrucción de los Hijos de Orula por querer saber más que él.
Yigui yigui, mayo mayo, adifafun kokoloyebeifa tirowaye lampe Shango, oroniyeo akueleripin, Orunmila lorugbo.
1.29 Baba Odi Meyi
Se coge el Ebbo y se mece en los brazos como a un bebé. Esto significa que nacemos inocente como un Ángel Puro y después nos llenamos de Vicios y Averraciones.
Ashomaruma odimo dimo, baba yerimo, Oshanlá Ayalguna Ayalguro, aberini owo, adifafun ella tutu kodimo lorugbo.
Suyere: Odimo dimo dire mama yeki mama yeki (3 veces).
1.30 Baba Iroso Meyi
El Awo se abre los Ojos con los dedos del Medio y echa agua al Ebbo. Nace el Espíritu de Osun o estado de Vigilia. Abrir los Ojos para no caer en el Hueco de la Vida.
Oyoroso apantarita bebe oyoroko to bebe loyokun, Olokun apantarita bebe oyoroso, oyoroko iroso Olokun Oshé, bobo moiye tutu, elegueri ni meyi kokoloshe Yewa, lowa orisa Shango dupue Olorun kokoibere, maferefun Osun, adifafun Eshu.
Suyere: Olofin loriyeo modupue lorun (2 veces).
1.31 Baba Ojuani Meyi
El Awo besa su Collar de Orula. Pues aquí nació el Collar de Orula.
Adifafun awamwara aldelepeko kikomakuada iku aldelepeko kolodumare. Awamwara Oluo bi oribiokun Orun wale Eshu. Kikomakuada iku … arun … ofo … eyo … iña … Kiwalorun layabe Ifa omo ni Shango, alderení laye layé oyole mowenewene, olikití bilokun araye tiwa ebo. Orunmila lorugbo.
Suyere: Awamwara kolodumare, awamwara kolodumare, ariku lowa kolodumare.
1.32 Baba Obara Meyi
Se echa agua al Ebbo en la Lerí del Awo y en la Lengua. Pues nació la Sabiduría y el Poder de la Lengua para bien y para mal.
Obara ni bara nikata ikala. Obara oni bara omo lorun, Orunmila akualosiña oni bara, obara laye, obara ninfa kikate. Omo katiku, omo katiarun, omo katiofo, omo katieyo, … obara obaroni nibara Shango, obara Olorun, omo onibara, Orunmila lorubo.
Suyere: Obarodo kikate afeyu aye kikate.
1.33 Baba Okana Meyi
Se juntan los dedos de ambas manos dejando el Pulgar afuera. Significa el Enfrentamiento de Orula y los Awoses con el Mundo. Aquí no reconocieron a Orula ni a los Awoses por eso todo se dice al revés. Aquí Olofin bajó a la Tierra.
Oni okana, okana ni okuta, okana meyi ni Eshu bi obodashuri, adie pakuko, adie onadare, Okana Meyi, okana ire Ifa, okana ire awo, okana ire Shango, okana ire Eshu. Okana ni oni oni kana umbati osode botalokun unlo. Okana oni kana kana kanaye, adifafun Orunmila, maferefun Orunmila lorugbo, Eshu.
Suyere: Eshu bi awadashureo, eshubi awadashureo. Adie pakuko adie onadore, iba fun fun, iba fun fun, iba dun dun, iba dun dun, bañire, baralakuete abaroro.
1.34 Baba Ogunda Meyi
Se hace como si se diera Chagara a los dos pulgares. Nace la Autopsia, las acciones agresivas, la guerra, golpear, cortar trozar, pinchar , operar, y los Oficios derivados de sus actos.
Ogunda Eyi Ogunda siro, awaloyokun, Oshanla biriniwa, Obatalaisa jekua oba ibo odobaleni Ogun, oriroyelo kun Oshosi, Ogunda Eyi eyeni eyeo aruna kayeruario okualorun, abaroloyuna tiwa Elewa awalawa, Oluo shiwoshi Orunmila. Maferefun Oddua lorugbo.
Suyere: Baba kerere baba kerere erosi bamba kerere.
1.35 Baba Osa Meyi
Se ponen ambas manos en los hombros y se bota hacia fuera, pero hacia arriba. Esto se hace para botar al Eggun Obsesor y dejar solo al Espiritu encarnado o Angel de la Guarda y dueño de su cabeza. Aquí los OSHAS bajan a la Cabeza.
Osa Meyi baba burú burú, baba foshó foshó, adifafun ewa. Baba burú burú, baba foshó foshó, adifafun Orunmila, onibaraba niregun areun unle ni Shango kikomashé Elewa alakiború, alakiboya, alakiboshishe.
Osa osanire, osa Olokun ayarokoto, osa nile, osa nile Orunmila lorugbo.
Suyere: Ifa ounso Orunla laka laka labosi, Ifa ounso Orunla laka laka labosi awo. Sarayeye baku unlo sarayeye (el ebo - objeto) aremu.
1.36 Baba Ika Meyi
Se cierra el Tablero y se echa IYEFA y OMI al Ebbo. Aquí la Serpiente por no oir consejos de olofin se mordió la cola ella misma. Ika Meyi tiene la misión de cerrar el Ebbo y de retirar al cielo los Espíritus de los Oddun que se llamaron.
Ika ni ika ni ebo ika nini oni babalawo Oluo ogubí. Abedemeyeko bebe otún, abedemeyeko bebe osí, abedemeyeko otoñarañara, adifafun laokó elebuté, jekua Oshanla biriniwa, oni barawa, oni baraba niregun, oni mireo, Ogún, alaguede, maferefun Olokun.
Suyere: Mama yokoda mama yokoda warami mama yokodu warami. Mama yokoda mama yokoda warami mama yokodu warami bebe otún. Mama yokoda mama yokoda warami mama yokodu warami bebe osí. Mama yokoda mama yokoda warami mama yokodu warami otoñaraña adifafun elebuté.
1.37 Baba Otrupon Meyi
Se echa Oñi al Ebbo. Aquí los frutos maduros caían y endulzaban la tierra. Se toca con la punta de los dedos el suelo luego se los lleva al pecho y se dice - ILERE - que invoca al Espíritu de la Tierra. Otrupon Meyi es el CRIADO FIEL DE ORAGUN y por orden de él creó la Tierra antes del Diluvio.
Ayebiotun Otrupon Meyi, ayebiosí; jekua baba eñiñi lashoro oñi, eñi kekun. Towanifa lashoro oñi, oririré, lowa osha Obatala, lowa orison Elewa, onibabalawo Oluo obamoró towabilori Osha, eñi eñileriñefi, Orumila kawaloni, Onitalorun, adifafun Shango.
Suyere: Oñio lashoro oñio, oñio lashoro oñio, eñifekun lashoro ekun, oñio lashoro oñio.
1.38 Baba Otura Meyi
Se saluda a Olorun con los dedos del medio. Nace el NANGAREO. Significa Cautiverio en la Tierra y Felicidad en el Cielo.
Keke ni puakó, awo ni puakó, adifafun Imalé, sale maleko malekon sale Olorun nangará, ina tutu osará Olorun, arere arereo, ina tutu kakase mafayó. Keke ni puakó, awo ni puakó, adifafun imale, Orunmila lorubo.
Suyere: Ala lande Ifawa, Ifa tiwa Imalé, osheminie …
1.39 Baba Irete Meyi
Se tocan las Piernas y se sopla hacia fuera. Es Babalu Aye en persona y habla de enfermedades en las piernas.
Eyelemere, akolomere, apoyoré, omoni Osun, oni baraba niregún, Orunmila omo Ifa oni awo akolomere. Orunmila lorugbo.
Suyere: Arikú maniwa, arikú maniwa, oni kebashú adideo, arikú maniwa.
Isuro ebo lerí agba ashe gba di kola, agba ashe gba di kola, Orunmila lodafun alabeo agba ashe gba di kola.
1.40 Baba Oshe Meyi
Se pasan las manos tres veces por la cabeza hacia atrás. Aquí Olofin puso en las cabezas el PODER DE LA ADIVINACION.
Molokú tishé, oshe baba oshe, molokú awaniye, moloku, adifafun Osun. Oshe aladeye oni baraba niregún Ifa molokú tishe shenshen olowo Orunmila awenifa mayao. Oshe moloku warilona eleguede teyeba Elewá moloku, kerebalaye oshe Osun.
Suyere: Shenshen olowo yalode mayao.
1.41 Baba Ofún Meyi
Se toca con la mano derecha la frente la besa y toca el piso por la derecha de la Estera . Esto es en MEMORIA DE LA RESUCITACION DE SAN LAZARO Y DE OLOKUN. O sea manejar los Ikines para llamar Oddun de Ifa. Estas dos cosas nacieron aquí y por eso se besa el piso.
Oragún meyi, mafún kafún, Oshanla alayé Olofin. Oragún alapakatika Ogún oni baraba niregún mofún. Warayeñi oni babalawo aremú Oshanla ile mafún mafún dorefun lowa ni Shango, baba odara, odara bilaye mafun, jekua Oshanla, jekua Alufina, jekua ika wanwa laye. Aremu laderemú lorufa, jekua baba, oni babalawo awo nishegún, omo nishegún, araba to washe Ifa jekua baba.
Suyere: Baba fururu erereo okañeñe leribo, eleri Ifa oba siba lawo, eyiborere, basibao eru eran yawalorun, yawaloro elese kan, jekua baba.
1.42 Iwori Juani
El Awo simula aruñar el suelo para abrir un joro joro. Esto es pues este Ifa es el guardian del Joro Joro.
Iwori Juani Ifa. Wara wara ni moro kasheta, wara wara ni moro kasheta kashemini babalona e laroye, laroye, kasheta kashemini wara wara ni moro Orunmila lorubo kasheta kashemini.
Suyere: Wara wara ni moro, wara wara ni moro, kasheta kashemini, wara wara ni moro.
1.43 Iroso Umbo
Se coge el dinero del derecho y se tira al Aleyo, éste se persigna y lo tira sobre el Tablero el Awo reza el Owo y lo vuelve a colocar en su lugar.
Iroso umbemi moni ola ashé lebo, moro moro lokun tenifa onibaraba niregún koba lade nifa Eshu, untefa Orunmila oda, Elewa baralayikí sokun lade ni yere mowa e mi ku olona laroye lodo, maye Olokun, omo Olorun, sokun iyare Elewa kowayeibe Orunmila moforibale ire ashekun ota kore niodi, lese Elewa, Orunmila.
Suyere: Moni ola ashé lebo, moni ola ashé lebo, moro moro awo lokun tontinifa, moni ola ashé lebo.
2.
Segundo Tablero
2.1 Ogbe Roso
Se echan las juju sobre el signo y se reza moviendo ambas manos en forma circular sobre el signo y se dan las juju al Aleyo.
Ogbe Roso untele atie deku, atie deku. Atie deya, atie deya. Atie adie, atie adie. Atie eure, atie eure juju otuorumale ekuin Orunmila lorugbo.
Suyere: Ire arikú otuorumale ekuin, ire oma otuorumale ekuin, ire owo otuorumale ekuin, ire wantolokun otuorumale ekuin, ire ashekun ota kore niodi otuorumale ekuin. Ashebo, asheto, ashe lomo, arikú babawa.
2.2 Otura She
En este Tablero se borra el signo con el Irofa. Después se junta el Ashe en Atena Yawanza con los pulgares diciendo ARUFIN , ARUDA, KINKAMASHE y se echa el Ashe sobre las juju en manos del Aleyo.
Otura she baba yewe idakuda, irukudu, isekute, obereketu oni babalawo lodafun to iban eshu ashe Olofin. Idakuda, irukudu, isekute, obereketu oni babalawo lodafun Orumila ise kute, oyerenifa to iban eshu.
Suyere: Oshebe oshebeto oshebe kobofi koramuda asheto ashebe to iban eshu.
