Que é a BUSC?

(1)

Que é a BUSC?

A Biblioteca Universitaria defínese, na actualidade, como unha unidade funcional de apoio á aprendizaxe, á docencia e á investigación. Está constituída por todos os fondos bibliográficos, documentais e audiovisuais adquiridos polos diferentes centros e servizos da USC.

A Biblioteca da Facultade de CC Económicas e Empresariais é un deses centros.

Cal é a súa finalidade na USC?

A USC está inmersa nos cambios institucionais provocados pola implantación do Espazo Europeo de Educación Superior (EEES), e que afectan especialmente á metodoloxía docente e de aprendizaxe. Isto ten implicacións evidentes nos hábitos de estudo e traballo do estudante. Neste contexto a BUSC se consolida como un servizo de acceso á información e apoio neste proceso de aprendizaxe e investigación.

Ademais, a BUSC aporta a súa experiencia na creación de produtos orientados a xestionar o coñecemento, facilitando o acceso a fontes de información de calidade e contribuíndo a difundir a produción científica da USC, cun persoal que se converte no mellor asesor dos investigadores e docentes.

Que servizos ofrece?

A Biblioteca Universitaria é o servizo a través do cal a comunidade universitaria atopa solución ás súas necesidades de información.

Para iso, ofrece os seguintes servizos¹:

A. Información e referencia: para solicitar axuda relacionada con:

 Horarios, servizos e normas da biblioteca

 Organización e localización dos fondos documentais

 Funcionamento e manexo do catálogo

 Utilización e consulta das distintas bases de datos e doutras fontes de información.

B. Reprodución de documentos: Pódese obter copia impresa ou dixital dos fondos bibliográficos e documentais da BUSC de acordo coa normativa actual respecto da Propiedade Intelectual. (Consulta as normas e as tarifas na web da biblioteca²) C. Préstamo a domicilio: os fondos da BUSC poderán

levarse en préstamo a domicilio por un período de tempo e condicións variables en función do tipo de usuario e das características dos fondos. (Consulta estas condicións na web³)

Para facer uso deste servizo é necesario dispoñer da Tarxeta Universitaria de Identidade (TUI) ou dunha carta de lector expedida pola BUSC.

O catálogo⁴ da Biblioteca proporciona información respecto á dispoñibilidade da obra.

D. Préstamo entre centros da BUSC: Os usuarios pertencentes á comunidade universitaria da USC poderán solicitar en préstamo fondos de calquera centro da BUSC, sempre que non se trate de obras de uso frecuente, de tal modo que poden recoller na biblioteca que da servizo ao seu centro obras existentes en calquera outra biblioteca dos campus de Santiago e Lugo. (Máis info na web da BUSC⁵).

E. Préstamo interbibliotecario e acceso ao docu- mento⁶: Teñen coma finalidade proporcionar acceso ás coleccións bibliotecarias, especialmente a aqueles documentos que non están dispoñibles para ser adquiridos no mercado bibliográfico. Así realizan dúas labores:

 Obter documentos non existentes nas coleccións da BUSC, ben sexan en formato orixinal (habitualmente libros) ou en reproducións (habitualmente fotocopias de artigos de revistas).

 Proporcionar documentos existentes nas coleccións da BUSC a outras bibliotecas.

Ambos servizos están suxeitos a certas tarifas que podes consultar na web.

F. Préstamo de libros electrónicos: A plataforma PreLo dá información dos libros electrónicos dispoñibles é posibilita a súa lectura en liña e/ou a súa obtención en préstamo (previa identificación do usuario a través do Servizo de Identificación Centralizado da USC⁷)

A lectura pode realizarse desde calquera tipo de ordenador, tableta, teléfonos intelixentes e dispositivos de pantalla con acceso a Internet.

Pode facerse en liña ou sen conexión a Internet (descargando previamente o libro), mediante as aplicacións comúns para a lectura de documentos en formato PDF e EPUB. Necesitarás crear un Id de Adobe Digital Editions para a lectura sen conexión ou en dispositivos móbiles ou e-readers. Consulta a Guía de Prelo⁸.

G. Fotocopias de revistas da BUSC: Este servizo inclúe, dunha banda, a posibilidade de solicitar a fotocopia de artigos de revistas que non se atopan no propio centro, pero sí entre os fondos da BUSC. A solicitude⁹⁷ pode facerse dende a web.

(2)

Doutra banda, se a revista ou o número que precisas non existe nas coleccións da BUSC, podes pedila a outra Biblioteca por medio do formulario de préstamo interbibliotecario¹⁰.⁸

H. Solicitar novas adquisicións: Os membros da comunidade universitaria poden solicitar a adquisición de libros, videos, CD-ROMs, etc. que non teñan carácter periódico. Lembra que o material solicitado debe estar en consonancia coa temática da Biblioteca na que se pide.

A solicitude de compra pode facerse tanto no mostrador da biblioteca como a través do formulario¹¹⁹ web.

I. Formación de usuarios: A BUSC ofrece á comunidade universitaria un plan de formación dirixido a profundar no coñecemento dos servizos bibliotecarios e dos recursos de información, así como á adquisición de competencias necesarias para localizar, seleccionar, utilizar e difundir a información facendo un uso creativo, crítico e seguro das TIC (Competencias en Información).

Para lograr este obxectivo, a BUSC conta cunha serie de actividades e recursos formativos, que podes consultar na sección correspondente da web¹².¹⁰ E ademais …

Lembra que a Biblioteca ofrece acceso a estes e outros servizos, como os recursos electrónicos, o catálogo, a web social, guías, titoriais, etc., a través do seu portal web e da súa presenza nas redes sociais.

Visítanos !!

http://www.usc.es/gl/servizos/biblioteca/

1 Servizos da BUSC:

http://www.usc.es/gl/servizos/biblioteca/servizos/index.ht ml

2 Reproducción de documentos:

http://www.usc.es/gl/servizos/biblioteca/servizos/reprogr afia.html

3 Préstamo:

http://www.usc.es/gl/servizos/biblioteca/servizos/prestam o_domicilio.html

4 Catálogo: http://iacobus.usc.es/

5 Préstamo intercentros:

http://www.usc.es/gl/servizos/biblioteca/servizos/prestam o_centros.html

6 Servizo de Préstamo Interbibliotecario:

http://www.usc.es/gl/servizos/biblioteca/servizos/prestam o_interbibliotecario.html

7 Servizo de identificación da USC: https://login.usc.es/cas

8 Guía de Prelo:

http://sp.bugalicia.org/san/subjects/guide.php?subject=pr elo

9 Fotocopias de revistas:

http://www.usc.es/gl/servizos/biblioteca/servizos/fotocopi as_busc.html

10 Formulario de PI:

http://www.usc.es/gl/servizos/biblioteca/servizos/prestam o_interbibliotecario_form.html

11 Formulario de adquisicións:

http://www.usc.es/gl/servizos/biblioteca/servizos/solicitar _adq.html

12 Formación de usuarios:

http://www.usc.es/gl/servizos/biblioteca/servizos/formaci on.html

BIBLIOTECA DA FACULTADE DE CIENCIAS ECONÓMICAS E EMPRESARIAIS

AVDA. BURGO DAS NACIÓNS, S/N 15782 SANTIAGO DE COMPOSTELA

(A CORUÑA) TLF. 881 811 510