TIPOS DE ENTREVISTA
1 Segundo o ambiente creado
2 Segundo a técnica empregada 3 Segundo as persoas participantes
4 Segundo o espazo no que se realiza a entrevista
Entrevista facilitadora
Entrevista de tensión
Entrevista estandarizada
Entrevista de incidentes críticos
Entrevista libre
Entrevista mixta
Entrevista individual
Entrevista con panel de expertos/as
Entrevistas encadeadas
Entrevista presencial
Entrevista telefónica
Entrevista por Internet
(Skype)
1 TIPOS DE ENTREVISTA SEGUNDO O AMBIENTE CREADO Entrevista facilitadora
A persoa que entrevista alenta a expresión da persoa candidata sendo amable e cordial.
En ocasións, pode dar a impresión de que non é unha situación de exame ou selección.
O ambiente creado é agradable e, moitas veces, semella de confianza.
Evítanse os ruídos e as interrupcións que dificulten o diálogo e garántese a privacidade.Entrevista de tensión
A persoa que entrevista pode chegar a ser fría, distante e, ás veces, mesmo displicente.Exemplos:
- Non mira á cara da persoa entrevistada.
- Fai comentarios negativos ou pouco alentadores do seu currículo.
- Critica en ton excesivamente negativo as explicacións do/a candidato/a, semella ausente e/ou cunha actitude pasiva con respecto á selección, etc.
Baséase na seguinte idea: unha situación de tensión deixa aflorar os trazos da personalidade que en estados normais permanecen ocultos.
Utilízase na selección para postos que requiren a competencia do control emocional.
Permite ao/á entrevistador/a predecir cal será a resposta do/a candidato/a ante unha situación de estrés.2 TIPOS DE ENTREVISTA SEGUNDO A TÉCNICA EMPREGADA
Entrevista estandarizada
A persoa que entrevista formula unhas preguntas predeterminadas e anota o que responde a persoa entrevistada ou utiliza unha folla de rexistro.
Un tipo de entrevista estandarizada é a entrevista de incidentes críticos.Entrevista de incidentes críticos
É un tipo de entrevista moi estruturada e profunda que indaga polo miúdo os comportamentos salientables durante a formación e experiencia laboral pasada da persoa candidata.
A persoa que entrevista solicita á persoa entrevistada que describa o que fixo, dixo, pensou ou sentiu durante unha experiencia laboral concreta.
Baséase no principio de que existe unha relación causal entre determinadas competencias e o éxito no desempeño laboral.
Permite pescudar os motivos, as habilidades e os coñecementos e identificar o repertorio de comportamentos da persoa candidata nos anteriores traballos.
Posibilita o poder facer predicións sobre a competencia profesional futura e proporcionar abundantes datos e descricións concretas das condutas en situacións de traballo.
Ao/á entrevistador/a interésalle identificar cales son as competencias clave da persoa candidata e saber cando, como e donde as adquiriron.Entrevista libre
É a contraria á entrevista estandarizada: non existen preguntas determinadas de antemán sobre un esquema ríxido.
Non ten un carácter tan formal coma a estandarizada.
Normalmente, consta de preguntas abertas que estimulan a persoa entrevistada para a súa libre expresión. Unha recomendación:Non perdas o tempo dispoñible na entrevista explicando datos irrelevantes
Entrevista mixta
É un tipo de entrevista que mestura aspectos da entrevista estandarizada e a libre: non existe unha listaxe de preguntas concretas, pero sí unha guía xeral das áreas que a persoa que entrevista considera fundamentais.
3 TIPOS DE ENTREVISTA SEGUNDO AS PERSOAS PARTICIPANTES Unha persoa que entrevista / unha persoa entrevistada
É o tipo máis común de entrevista, polo xeral realízase nun despacho e ten unha duración variable (de 20 a 60 minutos).
Panel de expertos / Unha persoa entrevistada
Normalmente, participan como persoal entrevistador o persoal técnico de recursos humanos (RRHH), o persoal de xerencia e/ou o persoal responsable da área a que pertence o posto.
O peso da entrevista acostuma levalo o persoal de RRHH.
Entrevistas encadeadas
A persoa candidata ten que pasar por entrevistas sucesivas con distintos/as
examinadores/as que avalían segundo unha óptica diferente a súa aptitude para un posto.
Adoita tratarse de entrevistas máis curtas.
4 TIPOS DE ENTREVISTA SEGUNDO O ESPAZO EN QUE SE REALIZA A ENTREVISTA
Entrevista presencial
O/a entrevistador/a e o/a entrevistado/a contactan persoalmente no mesmo espazo físico. É necesario un acordo previo do contacto (o/a entrevistado/a é citado para que acuda a un enderezo determinado nunha data e hora concretas).
Entrevista telefónica
O/a entrevistador/a contacta con entrevistado/a por teléfono e realiza unha entrevista previa (de filtro) para aclarar algúns aspectos do seu CV e decidir se pasa á seguinte fase do proceso de selección (que acostuma ser unha entrevista persoal máis profunda).
Entrevista por Internet (Skype)
Xeralmente substitúe á entrevista persoal (ten a vantaxe de que acurta custos e permite entrevistar a candidatos/as de distintos ámbitos xeográficos).
