Xtipa’ ro’ xti’ ca guidxi ro’ liibilisaane zaguita (mexicu) ca ni naca

xaique ni rapa guidxi ca la?, ni ná gui’chi’ ro’ bia’ xti’ cabe nga guini’ xi guni cabe.

Ra cue xia ca xaique diidxa’ ro’ bia’ ne ca xaique diidxa’ bia’ xti’ ca la?, guidxi ro’ ca xiixa diidxa’ bia’ la?, naquiiñe chinanda cabe ni ná gui’chi’ ro’ bia’ ne ca diidxa’ ro’ bia’ xti’ xquidxi cabe, ti lu cani nga ca guirá’ xixe ni guni ca xaique ri’.

Guirá’ ca xaique diidxa’ ro’ bia’ ni nruni dxiiña’ ndaani’ ca yoo ro’ ra ria’ diidxa’ bia’ xti’ ca guidxi huiini ca la?, napa cabe xi guchiña cabe guirá’ ni ca lu ndaa I de lu V xti’ ndaaga 95 xti’ gui’chi’ ro’ bia’ ri’. Ca binni ni ma guca xaique ribee xia diidxa’ bia’, ca ni ma bizuhua lu xtiidxa’ guidxi o cani biu ga guni ca dxiiña’ ca la?, que zanda di cui binni laacabe lu bia’ iza zeeda que, gaca cabe xaique ro’ diidxa’ bia’ xti’ ca guidxi huiini ca. Ca binni ni zanda gaca xaique diidxa’ bia’ o xaique diidxa’ ro’ bia’ nga, ca binni ni ma bi’ni’ xhiiña’ guidxi huaxa pa bi’ni’ ni jneza ne naya do’ ne pa napabe gui’chi’ ni guini’ de que binni ruzuhua lu diidxa’ laabe.

Ca binni ni gaca xaique diidxa’ ro’ bia’ xti’ ca guidxi huiini ca la?, zandaa cabe lu dxiiña’ ni chi guni cabe ca bia’ dxi guini’ gui’chi’ ro’ bia’ xti’ ca guidxi liibi lisaa ne zaguita (mexicu), ne laaca zanda guibi cabe xti’ bieque ne pa guiré’ cabe o guxale cabe de lu ca dxiiña’ ca la?, laaca gui’chi’ ro’ bia’ xti’ xquidxi cabe ca guni’ o ca diidxa’ bia’ ni cue ca xaique ni ruzuhua lu xtiidxa’ binni xquidxi cabe guini’ xi gaca.

Ca binni ni gaca xaique diidxa’ ro’ bia’ o xaique diidxa’ bia’ la?, ziaxa cabe ti ndaa bidxichi ni ganda tini ne cabe dxi ne que zanda di gudxiigueta cabeni, ne que zanda guidxaani o guiete lu ni lu bia’ dxi cayuni cabe xhiiña’ cabe que.

IV. Ca gui’chi’ ro’ bia’ ne ca diidxa’ ro’ bia’ xti’ ca guidxi liibi lisaa ne

zaguita (mexicu), ra guni ca dxiiña’ de ra ribii cabe xaique guidxi la?, napa caeb xi chinanda cabe ca diidxa’ ni ca xaguete ri’:

a) Ra gaca ca dxiiña’ ra chin di cabe ca xaique xti’ ca guidxi ro’ ca, ne ca

xaique xti’ ca yoo lahui ca la?, biini guidxi nga guni’ tu zanda gacani ne dxi ra chi guzee cabe gui’chi’ ca la?, zacani niru do’ dxi’ xti’ beu santiagu lu iza chi guizá guisa ni guiri niru do’ que. Ca guidxi ra ni chi guni dxiiña’ cui xaique guidxi xti’ ne que gueda guiaaba ne ni tobi si ra chindi cabe xaique ro’ xti’ guidxi ro’ zaguita (mexicu) la?, guiruti zucueza laacabe de guni cabe xhiiña’ cabe;

b) Ra gaca ca dxiiña’ ra guibi ca xaique xti’ ca guidxi ca la?, napani xi

chinandani casi na ca diidxa’ ri’: nayaa, jneza, ne que zaquiñe di cabe xhiiña’ xtobi ti ganda guni cabe xhiiña’ cabe, ne que zaca ne di cabe tobi ne xtobi co’.

c) Ca xaique ni guiaana ca dxiiña’ ri lu ná ca ne pa chu’ xiixa bicheenda lu

ca dxiiña’ ni cayaca ca la?, guiruti’ zanda gabi laaca zanda guni ca ti cue xia ca’ xiixa guenda nagaana ni guca que;

d) Ca xaique ni runi xhiiña’ guidxi ne cayuni ca’ dxiiña’ ndaani’ yoo ra rie

binni ica la?, ti gapa credencial ca la?, zanda guini ne cabe ca xaique ro’ xti’ yoo ri’ gu’ya’ ca gaca ca dxiiña’ ra chindi cabe xaique xti’ ca guidxi huiini ca jneza;

e) Ra guidaagu ca politicu ca la?, binni guidxi si nga zanda cu’ cabe lade

cabe, ne zada di guidaagu lisaa cabe binni ni maca runi xti’ dxiiña’ gadxé, ne jma pa caru icaacabe xiixa gui’chi’ ni rudii ca politicu ca ti gaca cabe xpinni ca’.

Zaqueca napa cabe xi guinaaba cabe xiixa gui’chi’ ti ganda ica la, xpinni cabe ti ganda quite gaca xaique guidxi, huaxa que chinanda di cabe ni ná ca ndaa III ne VII xti’ lana ngoola A, ni ca lu ndaaga 20, xti’ gui’chi’ ro’ bia’ ri’.

f) Ca xaique ni ruuya’ gaca ca dxiiña’ ra ribii cabe xaique guidxi la?, zanda

chu’ cabe gu’ya’ cabe xi cayaca lu xhiiña’ ca politicu ca pa zaca gca ladxi cabe;

g) Yoo ro’ ra rie binni ica lá ti gapa credencial ca la?, zudiini ca policu ca

bidxichi guni ne ca xhiiña’ ca’, ti ganda cuidxi ca binni che chi guzee lu xqui’chi’ ca. ne laaca zaqueca zuyuubuni quiixe ni ca partidu ni guniti ne gueda guixa ca;

h) Gata pabia’ bidxichi icaa ca partidu ca bia’ dxi ma chi guzulu ca’ ucaaca’

ridxi binni che chi guze lu xqui’chi’ ca’ ne dxi ma chee ca’ chi guze ca’ lu cani, ne laaca pabia’ ica ca binni ni riza nanda laacabe, huaxa bia’ ca bidxichi ri ni cayate chi icaa ca binni ri la?, que zadi’di’ dini lu chií bia’ ni riquiiñe ra guibi xaique ro’ xti’ ca guidxi huiini ca; ne laaca ziu ti neza ni iquiiñe’ ca binni ri ra gunica’ ca dxiiña’ ri’; ne ganda gudxiiba’ ca’ donda ique ca binni ni que guni cani ná ca diidxa’ bia’ xti’ ca dxiiña’ ri’;

i) Guirá’ partidu zanda che chi guini’ xi guirá’ chi guni lu ca biaani ruzaabi

diidxa’ lu bii ne lu ca biaani zahui ca, ne ra che cabe ca la?, naquiiñe guni cabe ni casi na lu lana ngoola B de lu III xti’ ndaaga 41 xti’ gui’chi’ ro’ bia’ ri’;

j) Naquiiñe’ gata ca neeza ni chinanda ca politicu ca r ama chi guzu lu

ca ucaaca ridxi binni che chi guizee lu xqui’chi’ ca, laaca naquiiñe quiiba donda ique cani que guna ni cayabi ni laaca que. pa ca guidxi huiini ca chin di ca xaique ro’ xti’ xquidxi ca la?, que zanda di tiidi ni jma de chonna beu, ni chupa beu pa chi ndi cabe ca xaique ni ruzuhua lu xtiidxa’ binni guidxi o pa chin di cabe ca xaique xti’ ca yoo lahui xti’ cabe que; ne ra ma guzulu cabe ucaaceb ridxi binni guidxi che chi guze lu xqui’chi’ cabe ca la?, que zanda di tiidi jma de chonna bia’ xti’ dxi ra racape ca dxiiña’ ni ribii cabe xaique guidxi;

k) Gata neza ni gandaiquiiñecaxaique ni runidxiiña’ ndaani’yoo ro’ ni rapa

cadxiiña’ ni raca raribii cabe xaiqueguidxineyoorariebinniicalá, ti gapa credencial ca, ti gu’ya’ ca’ pabia’ xpidxichiguidxingaiquiiñecapoliticuca dxi ma gaca dxiiña’ ra chindi cabe xaique guidxi, huaxa ra gaca ni ca la?, napani xi chinandani casi nabaqui’ guiropa ndaaga diidxa’ ni ca lu ndaa V xti’ ndaaga 41 xti’ gui’chi’ ro’ bia’ ri’;

l) Gata ti neza ti ganda gaca ca dxiiña’ ri jneza, ti ra cuexia ca xaique ni rapa

ca dxiiña’ de ra ribii cabe xaique guidxica xhiiña’ ca’ jneza la?, ne naya. laaca zaqueca naquiiñe chu’ ti neza ti igaaba chahui ca gui’chi’ ra yeguze binni guidxi ne guli xaique xquidxi;

xaique ro’ xti’ ca guidxi huiini, xaique ni ruzuhua lu xtiidxa’ binni guidxi, ne ca xaique xti’ ca yoo lahui ca ne que gaca cani jneza, ne laaca ca dxi ni iquiiñe ca binni ca pa gacaladxi ca gudxiluca’ pa que ñuu ladxi ca’ ni biree xia que, huaxa ra guiré’ xia ca diidxa’ ne ca dxiiña’ ri la?, naquiiñe chinanda cabe ni ná lu ca diidxa’ xti’ naya do’, ne

n) Naquiieñe’ gata cadonda ni quiibaiquecabinni ni gucheenecadxiiña’

raribi cabe xaiqueguidxi, ne laca xi dondangaquiibaique cabe ne xi modo quixe cabe ni.

V. Guirá’ cagui’chi’ ro’ bia’ xti’ caguidxi ro’ liibilisaane zaguita (mexicu)

ca la?, zandacuaqui’ ca’ ti yoo ni cuexiaguirá’ cadxiiña’ ni gaca ra chindi cabe xaique xquidxi cabe, neca xaique ni guni dxiiña’ ndaani’ ni ca la?, que zaquiiñe di ca xti’, paxti’ xtobi ragunica xhiiña’ ca’, ne caxaique ni guni dxiiña’ ndaani’ ca yoori la?, zabaquica’ xi dxiiña’ gacane binni guidxi lu, cadxiiña’ ni bireexia que ñu ladxica.