Produtos Realiter

Responsable da área

Xusto A. Rodríguez Río

Lingüística)

O Banco de termos do Servizo de Normalización Lingüística comezou a constituírse no ano 2000 para, por unha banda aglutinar a información terminográfica xerada polo Servizo e, por outra, harmonizar e racionalizar este labor.

Trátase dun repertorio de termos que comezou nutríndose das fichas terminolóxicas elaboradas de xeito illado, case sempre para ofrecer solucións a problemas concretos xurdidos do traballo de asesoramento, pero ao que se lle foron engadindo pouco a pouco os vocabularios técnicos realizados ou coordinados polo Servizo, así como outros editados por outras entidades, pero que consideramos interesantes para a comunidade universitaria.

Durante o curso 2005-06 continuouse coa ampliación e depuración dos seus datos, así como coa sincronización e actualización periódica da base de datos que permite a consulta desta información dentro do dominio usc.es, a través do bUSCatermos (http://

http://www4.usc.es/buscatermos/)

5.1.1 Inclusión de fontes terminográficas no BD_SNL

Durante este ano, a inclusión de novos traballos non foi un obxectivo prioritario para a Área. Aínda así, engadimos de xeito íntegro:

• VV. AA. (2004) Léxico do transporte turístico. Barcelona, Unión Latina-Termcat

• Lista de de las aves de España (ES-LA-EN-CT-GL-EU), Sociedad Española de Ornitología, 2005. [Versión galega de M. Conde Teira]

• Hottois, G.; J.-N. Missa (dir.) (2005) Nova enciclopedia de bioética. Santiago de Compostela, Universidade. [Versión galega de L. Soto e T. Roca]

• Administración da Seguridade Social (2006) Glosario de termos da Seguridade Social [en liña];

[http://www.seg-social.es/inicio/?MIval=cw_usr_view_Folder&LANG=3&ID=10485].

O balance resultante da eliminación e reelaboración de fichas por un lado, e dos engadidos polo outro, fixo que a base de datos aumentase ata un total de 128 000 fichas terminolóxicas, e máis de 150 000 denominacións galegas.

5.1.2 O bUSCatermos: informe de incidencia

O bUSCatermos é unha interface que permite consultar o BD_SNL a través de Internet desde calquera equipo conectado ao dominio usc.es. Unha descrición máis detallada das súas características pode lerse en:

http://www.ti.usc.es/buscatermos/Caracteristicas.htm

Ao longo deste curso, os obxectivos da Área en relación co bUSCatermos foron basicamente dous:

1. Seguir difundindo a ferramenta entre a comunidade da USC.

que van desde o 1 de outubro ao 31 de maio recibíronse máis de 19500; case tantas como as que se recibiron nos 17 meses anteriores.³

1939 3029

1209

1997 2456 2906

2136 2845

0 1000 2000 3000 4000

outubro novembro decembro xaneiro febreiro marzo abril maio

Número de consultas por mes

2. Intentar acadar o financiamento externo preciso para poder abrir bUSCatermos á consulta libre a través de Internet.

Para iso, a primeira iniciativa foi solicitarlles autorización por escrito aos autores dos vocabularios aquí incluídos para realizar tal forma de difusión; o que se formalizou a través da sinatura dun acordo entre cada un deles e o reitor da USC.

Amais, elaboramos un informe sobre as características, a incidencia real e as potencialidades do bUSCatermos para facerllo chegar ás entidades que poderían contribuír ao financiamento desta iniciativa.

5.2 Elaboración de produtos terminolóxicos

5.2.1 Vocabularios

Durante este curso continuouse co traballo de elaboración do Vocabulario xeral de medicina e do Vocabulario de morfoloxía externa, anatomía e histoloxía veterinaria.

Neste momento, atópanse os dous na fase de preedición: o equipo elaborador está revisando e analizando copias privadas do traballo antes de comezar co proceso de maquetación.

Ademais, proseguiuse coa elaboración do “Léxico forestal”, aínda que o ritmo de traballo previsto viuse bastante ralentizado por cambios no grupo de traballo. Neste momento está fixada a estrutura temática e os conceptos que integrarán a maior parte das áreas en que se vai organizar.

5.2.2 Outros produtos terminolóxicos

3 Entre o 30 de abril de 2004 –data en que se abriu para consultas– e o 30 de setembro de 2005 o bUSCatermos recibiu 19734 consultas.

No curso anterior puxerase en marcha o proxecto de elaborar dicionarios temáticos personalizados partindo da información recollida no BD_SNL, co fin de poder integralos nos paquetes ofimáticos Office ou OpenOffice [pode verse máis información sobre o proxecto na memoria do período 2004-05].

Durante este curso rematouse o traballo de revisión do primeiro deses dicionarios e establecéronse os primeiros contactos para a súa difusión.

Ademais, durante este período iniciouse o aproveitamento dos traballos terminográficos que o Termcat difunde libres de dereitos de autor baixo a licenza Creative Commons. Neste momento, e como proba piloto estase engadindo a versión galega a unha “Terminologia dels recursos humans”.

5.3 Difusión de terminoloxía

5.3.1 Difusión dos Termos esenciais de botánica

Os Termos esenciais de botánica publicáronse en setembro de 2004, polo que a difusión masiva dese traballo realizouse durante o curso 2004-05. Pero aínda así, a comezos do curso actual volveuse a facer unha distribución masiva de exemplares en colaboración coa Comisión de Normalización Lingüística da Escola Politécnica Superior.

Os destinatarios que agora se buscaban eran os alumnos incorporados neste curso á USC, os únicos que non puideron facerse con exemplares nas campañas de difusión desenvolvidas no curso anterior. Por ese motivo a distribución masiva de exemplares realizouse aproveitando o acto de Presentación da USC para novos estudantes, realizado na Escola.

5.3.2 O proxecto “Un idioma preciso”

Durante o curso 2005-2006 a área de terminoloxía mantivo a súa colaboración co sitio web Canalciencia.com e seguiu editando a sección Un idioma preciso, na que se comentan casos dubidosos de utilización da terminoloxía técnica en galego, divulgando e propoñendo para o debate alternativas que desde o SNL se consideran de mellor calidade lingüística.

Ata finais de maio de 2006, levábanse publicados 73 artigos, cunha periodicidade de dous mensuais. O número de visitas á sección e aos foros seguiu medrando durante este ano, e superou as 7000 durante o pasado mes de abril.

5.3.3 A rolda terminolóxica USC-Lexiterm

Tamén segue en funcionamento a rolda terminolóxica USC-Lexiterm, creada en maio de 2003 e en boa medida coordinada e animada desde a área de terminoloxía.⁴

Neste momento a lista conta con case 160 persoas subscritas e neste ano académico véñense formulando nela unha media de 8 ou 10 consultas por mes, das máis diversas áreas de especialidade.

5.4 A difusión de información terminolóxica

Como consecuencia do proceso de redeseño do web do SNL ampliamos tamén o volume de información terminolóxica que ofrecemos á sociedade en xeral. Isto realízase fundamentalmente a través de dúas iniciativas:

5.4.1 O Rexistro de proxectos terminolóxicos

4 Pódese ver unha descrición máis detallada dos seus obxectivos na memoria do curso 2002-2003.