Protocolo da Facultade de Filoloxía da USC no cadro da crise da COVID-19
Curso 2020-2021
ÍNDICE
1. IDENTIFICACIÓN DO CENTRO E CONTACTO 2. CANLES DE COMUNICACIÓN
3. MEDIDAS DOCENTES 4. MEDIDAS PREVENTIVAS
4.1 OBXECTO, VALIDEZ E RESPONSABILIDADES 4.2 INSTALACIÓNS
Acceso e horarios Ventilación
Limpeza e desinfección Equipamento
Máquinas e equipos de autoservizo Outros espazos de uso común Cafetaría
4.3 MEDIDAS PARA MANTER A DISTANCIA DE SEGURIDADE 4.4 USO OBRIGATORIO DE MÁSCARA
4.5 MEDIDAS DE PROTECCIÓN PERSOAL 4.6 ACTIVIDADES
Docencia e prácticas
Probas de avaliación presenciais Procesos selectivos
Outras medidas relativas á organización do traballo Biblioteca
Atención ao público
Reunións e actos académicos 4.7 ALUMNADO
4.8 PERSOAL DA USC
4.9 XESTIÓN DE CASOS DE COVID-19
4.10 TRATAMENTO DE DATOS DE CARÁCTER PERSOAL 5. PLANOS DO CENTRO
1. IDENTIFICACIÓN DO CENTRO E CONTACTO Centro: Facultade de Filoloxía
Avda. de Castelao s/n.
15782, Santiago de Compostela.
Para os efectos deste protocolo, no concepto de “centro” ou “Facultade de Filoloxía” inclúense os baixos ao redor da Facultade e exclúese a cafetaría, cuxa xestión é de competencia exclusiva da entidade concesionaria. No caso do servizo de reprografía este aterase ás normas que abrangue o presente protocolo.
Comunidade da Facultade de Filoloxía:
Entendemos por comunidade universitaria da Facultade de Filoloxía todo o estudantado matriculado en titulacións vinculadas á Facultade ou aos Departamentos con sede no centro, o PAS, o PDI e o persoal que nel presta os seus servizos habitualmente e estudantes, docentes e persoal de administración do Centro de Linguas Modernas (CLM) e do Cuarto Ciclo.
Conforme á Resolución Reitoral de 2 de setembro, a Delegada COVID-19 do centro é a profesora e vicedecana Rosa Marta Gómez Pato.
Haberá un conxunto de voluntariado estudantil para realizar tarefas de información e apoio no relativo á crise provocada pola COVID-19. Publicarase no momento da súa resolución os nomes e contacto dos voluntarios/as do centro fronte ao COVID-19 que estarán situados nun lugar visible do vestíbulo da Facultade.
Sala de illamento: A sala de illamento de persoas que poidan presentar síntomas relacionados coa COVID-19 atópase no terceiro andar da Facultade, na sala D01. Esta sala conta con ventilación e papeleira con bolsa de lixo de plástico para depósito de material dun só uso, así como de material informativo e de prevención proporcionado pola Xerencia, e dun teléfono para realizar as chamadas necesarias no suposto de que se presente un caso.
2. CANLES DE COMUNICACIÓN
As canles de comunicación que se empregarán cos diferentes colectivos, especialmente no suposto da aplicación dos escenarios 2 e 3 nos que non hai presencialidade ou é reducida, será
• co alumnado: principalmente a través do Campus Virtual e o seu correo-e institucional, a través da lista de distribución e das persoas coordinadoras de cada Grao e Mestrado, así como a través da representación estudantil na Xunta de Facultade e
• co profesorado e resto do persoal do centro: por correo electrónico e teléfono.
3. MEDIDAS DOCENTES
O noso centro ten 33 salas de aulas, 3 das cales con moitas dificultades de ventilación (seminarios), polo que non serán empregadas para docencia. En canto á capacidade, posúe 2 salas de aulas que poden albergar un máximo de 38 estudantes; 6 un máximo de 28 e 1 un máximo de 25; 2 un máximo de 24 e o resto 16 ou menos. Nesta conxuntura, o noso centro non pode garantir a presencialidade física total da actividade docente/discente e debe recorrer ás medidas contempladas no escenario 2; na práctica, e no caso das titulacións de grao debemos movernos entre o escenario 1 e o 2.
No que atinxe aos Mestrados toda a docencia poderá ser presencial.
Os horarios mantéñense tal como foron aprobados pola Xunta de Facultade de 24 de xullo e publicados pola USC.
Na primeira semana (de día 21 a 25) non haberá aulas presenciais. Reservarase para acollida institucional presencial para estudantes matriculadas/os en primeiro primeira vez (día 21) e para o contacto virtual (non presencial) de cada docente co estudantado matriculado nas súas
materias para informar do funcionamento destas, esclarecer cuestións organizativas, resolver dúbidas e dar indicacións específicas que se consideraren oportunas. Para eventual comunicación síncrona co Grupo, esta será no horario que está fixado para cada materia . A partir de día 28 haberá aulas presenciais. Antes dese día e no caso en que a presencialidade non poida ser total os/as docentes enviarán as pertinentes indicacións ao alumnado sobre os subgrupos que estableceron e cando terán lugar as aulas presenciais. O alumnado deberá estar especialmente atentos/as nesa primeira semana (como en xeral, durante o ano académico) á Aula Virtual de cada materia e ao correo electrónico institucional.
A atribución de salas de aulas mudou para garantir que o conxunto de estudantes de cada Grupo non deba ser dividido en máis de 3 (en dous casos excepcionais en 4 subgrupos), en función da capacidade das salas de aulas. Para moitas materias será posíbel dividir o grupo só en dous subgrupos e no caso de materias con grupos pouco numerosos poderá manterse a docencia 100% presencial. Cada docente poderá usar os espazos atribuídos do modo que estimar máis oportuno para o desenvolvemento da súa programación docente.
Nos casos, numerosos, de que non sexa posíbel ter todas as aulas presenciais, e, no probábel de que moitos grupos só poidan ter 1/2 ou 1/3 da súa presencialidade, os/as docentes tomarán as decisións que xulgaren oportunas para que a súa docencia sexa o máis eficaz posíbel, tanto no uso dese espazo presencial como completando, a través da aula virtual, e cos materiais que considerar necesarios, a súa docencia (vídeos, documentos, tarefas, aulas gravadas etc.).
Na seguinte páxina web da facultade atópase publicada a capacidade das aulas así como a nova atribución de salas de aulas:
https://www.usc.gal/gl/centros/filoloxia/modules/news/news_0238.html,
https://www.usc.gal/gl/centros/filoloxia/horario_aulas.html e https://www.usc.gal/gl/centros/filoloxia/horario_cursos.html.
Ao termos que movernos entre o escenario 1 (presencialidade) e 2, e non ou un ou outro, non pode haber aulas telemáticas síncronas: neste contexto, o Decanato ten que pór ao dispor de todas/os as/os docentes espazos no seu rendemento máximo. Para garantilo, temos igualmente que asegurar que o estudantado poida asistir ás aulas presenciais previstas; se unha/un estudante tivese unha aula presencial a unha determinada hora e á seguinte ou á anterior, unha síncrona telemática, en moitas situacións non habería forma material de asegurar a súa conexión ou presenza, segundo o caso, en tempo e forma.
Convén que o profesorado consulte periodicamente a páxina web do centro e da USC; neste último caso, convén tamén a consulta da seguinte páxina coa información institucional sobre a COVID-19: https://www.usc.gal/gl/usc/covid19.
En anexo (Anexo 1) inclúese o listado de materias nas que é preciso iniciar o curso no escenario 2 e a rotación dos grupos.
4. MEDIDAS PREVENTIVAS
4.1 OBXECTO, VALIDEZ E RESPONSABILIDADES
Co obxecto de reducir ao mínimo as incertezas sanitarias e docentes para o curso académico 2020-2021, a USC ten aprobado os documentos Bases para o desenvolvemento dunha docencia presencial segura e Directrices para o desenvolvemento dunha docencia presencial segura, que definen os distintos escenarios posibles en relación coa evolución da pandemia COVID-19 e determinan as medidas a implantar para cada un dos escenarios, tanto no ámbito sanitario como no académico.
Conta tamén a USC coa
Guía de actuación fronte ao coronavirus (COVID-19) para os centros e
persoal da USC con traballo presencial (Edición 32 do 16-04-2021),
que determina as medidas de prevención e protección a ter en consideración e está sometida a continua revisión para adaptación á evolución da situación sanitaria e referencias normativas e técnicas de cada momento.De acordo con esta normativa básica interna da USC, este protocolo establece as condicións que deben reunir os espazos e instalacións do centro, as pautas de realización das actividades e as medidas de protección persoal a observar neste momento, estando suxeitas a revisión en función das adaptacións da
Guía de actuación fronte ao coronavirus (COVID-19) para os centros e persoal da USC con traballo presencial (Edición 32 do 16-04-2021),
e das continxencias previstas no documento Bases para o desenvolvemento dunha docencia presencial segura.Corresponde á Delegada COVID-19 no centro, Dna. Rosa Marta Gómez Pato, a responsabilidade de implantar no centro as medidas contidas neste protocolo e asumir o diálogo coa Xerencia e co Comité de Xestión da COVID-19 no curso 2020/2021 no referente á crise sanitaria COVID-19. Polo que respecta á implantación das medidas preventivas, esta responsabilidade compete tamén aos responsables das distintas unidades do centro e investigadores principais respecto do seu ámbito de competencia en relación con lugares de traballo, instalacións, actividades ou persoal ao cargo. En xeral, todo o persoal da USC que presta os seus servizos no centro e o alumnado serán responsables de observar as medidas preventivas deste protocolo para a protección da
saúde e a contención da propagación da COVID-19. Esta liña xerárquica en canto a asunción de responsabilidades vén así recollida no documento Bases para o desenvolvemento dunha docencia presencial segura pero, ademais, en materia de prevención de riscos laborais, é a que corresponde por imperativo do Plan de Prevención de Riscos Laborais da USC que, á súa vez, cumpre coas obrigas establecidas na Lei 31/1995 de prevención de riscos laborais e no Real Decreto 39/1997 do Regulamento dos servizos de prevención para integración da prevención na xestión xeral da USC.
Todo o persoal da universidade deberá contribuír ao cumprimento das medidas de actuación perante a COVID-19, durante as actividades, a permanencia no centro e a entrada e saída das instalacións, o que inclúe intervir ante comportamentos que non cumpran as normas establecidas ou aumenten o risco de contaxio, comportamentos que poden ter carácter de infraccións sanitarias. Todo o persoal do centro debe actuar como autoridade para estes efectos e debe colaborar para que se cumpran as normas. Caso houber comportamentos dese tipo advertidos e que non sexan corrixidos, deberán ser posto en coñecemento do persoal de Recepción e/ou do Decanato para tomar as medidas oportunas.
4.2 INSTALACIÓNS Acceso e horarios
Co obxecto de facilitar a localización de contactos no suposto de que se produzan casos sospeitosos ou positivos da enfermidade, deberase rexistrar en Recepción as persoas autorizadas para acceder que non presten servizos de xeito habitual nas instalacións, con independencia da actividade de que se trate. Neste sentido, infórmase que serán instaladas cámaras, de recollida de imaxe mais non de son, nos accesos ao centro. As filmacións, cuxo eventual visualización só se producirá en casos de probable positividade de COVID-19, serán destruídas quince días despois da súa obtención.
O rexistro será realizado en Recepción e levarase a cabo mediante un formulario normalizado que conterá a seguinte información:
- o día no que se produce o acceso - hora de entrada e saída
- o nome e apelidos da persoa que accede
- os datos de contacto telefónico ou de correo electrónico
Con carácter xeral, non será necesario rexistrar os accesos de persoal autorizado ás instalacións que sexan inferiores a 15 minutos e nos que se manteña a distancia de seguridade e o uso de máscara en todo momento.
As persoas responsables dos rexistros mencionados custodiarán a información durante 15 días para facilitar a localización de contactos no suposto da existencia de casos, procedendo posteriormente á súa destrución. A información de protección de datos relativa a este rexistro deberá estar a disposición das persoas rexistradas.
En xeral, agás que Xerencia o autorice, non se poderá acceder ás instalacións fóra do horario de apertura do centro (espazos de uso común, corredores, seminarios, gabinetes, salas de traballo etc.).
Haberá tres portas habilitadas para a entrada e saída ao centro, nomeadas pola orientación á rúa máis próxima:
• a Porta Carvalho Calero (ao lado da xiratoria), para uso exclusivo do persoal que traballa ou presta servizos habitualmente no centro
• a Porta Castelao (frontal á anterior), de uso exclusivo do estudantado matriculado en titulacións cuxa docencia é exercida no centro
• a Porta Vista Alegre (frontal á Recepción), para toda a persoa allea á comunidade universitaria da Facultade de Filoloxía.
- Servizo de reprografía: O acceso ao servizo (situado no vestíbulo do centro) realizarase como de costume e respectando as medidas hixiénico-sanitarias. O horario de apertura será de 9.30 a 13.30.
- Na actividade docente a asistencia ás aulas será rexistrada polo alumnado a través da súa Secretaría Virtual, indicando a aula e o número de posto no que se atopa. Se por algún motivo nese momento a persoa non pode rexistrarse deberá enviar un correo-e á Oficina COVID-19 ao enderezo
[email protected],
indicando a actividade, lugar, hora e o número de posto no que se atopa. Na actividade docente o profesorado deberá lembrar ao alumnado que asista presencialmente que se rexistre. Se houbese algún estudante que non pode rexistrarse (porque aínda non completou a súa matrícula, estudantado Erasmus etc.) o docente deberá rexistrar a esa persoa e conservar este rexistro durante 15 días. A finalidade destes rexistros é só sanitaria para facilitar a localización de contactos no suposto da existencia de casos no noso centro. Ao cabo de 14 días estes rexistros deberán ser destruídos. O profesorado poderá levar tamén un rexistro con finalidade docente, debendo comunicarllo ao alumnado.- O docente é responsable de cada sala de aula durante o exercicio da docencia nesta.
- O estudantado deberá sentar, en cada aula e materia, sempre no mesmo lugar. Deberase favorecer que se formen e se manteñan grupos estables.
- O uso das salas de traballo é da responsabilidade das Direccións de Departamento que comunicarán na Recepción do centro as necesidades de limpeza e desinfección.
- As persoas responsables dos diferentes espazos custodiarán os rexistros durante 14 días para facilitar a localización de contactos no suposto da existencia de casos nese edificio.
- Só se poderá circular polas instalacións para o cumprimento dalgunha actividade autorizada. A permanencia nas instalacións reducirase ao tempo imprescindible para levala a cabo evitando deambular polos corredores, reunións e circulación en grupo. Deberá en todo o momento seguirse os itinerarios marcados e restantes indicacións de uso dos espazos.
- O profesorado responsable da visita dun/dunha investigador/a ou docente deberán comunicar no Decanato a través do correo-e [email protected] o nome, contacto de teléfono e duración da estadía do investigador ou profesor visitante. Ademais este deberá rexistrarse en Recepción cada vez que acuda ao centro.
- As restricións de espazos por causa do mantemento da distancia de seguridade reduce a capacidade das salas de aulas e outros espazos comúns. Na seguinte páxina web da facultade indícase a nova capacidade dispoñible:
https://www.usc.gal/gl/centros/filoloxia/modules/news/news_0238.html
. A solicitude de salas a través da secretaría virtual manterase e, no caso de o espazo solicitado non poder ser utilizado, tentarase ofrecer sempre que posible unha alternativa de similares características ao requirido.Para reunións de até 18 persoas, estará habilitada a Sala B13, que estará reservada, xuntamente coa B3 (8 pax. -máis 7 postos sen mesa-, capacidade máxima), tamén para videoconferencias.
Para 4 (máis 4 postos sen mesa) ou menos, a de Reunións do Decanato. Dadas as súas condicións de ventilación e uso, tenderase a un uso restrinxido das Salas de Graos e de Actos.
Igualmente, o uso dos seminarios D1, D13 e D15 fica imposibilitado até non existiren condicións aceptables de ventilación. Salvo algunha excepción, serán suprimidas as mesas e cadeiras dos corredores e os sofás da entrada. Igualmente, as fontes dos andares 1, 2 e 3.
- Non se poderá consumir bebidas nin comidas nas salas de aulas da facultade, excepto causa xustificada (por exemplo o consumo de auga por parte dun/unha docente durante o transcurso dunha aula, como medida preventiva polo emprego da voz como ferramenta de traballo). Nos corredores da facultade poderase retirar a máscara para o acto do consumo de bebidas, sempre e cando se manteña a distancia de seguridade. Nos soportais da Facultade poderase consumir bebidas e comidas, sempre e cando se manteñan as medidas de seguridade, entre outras a distancia mínima entre persoas e só retirar a máscara para a inxestión.
- Habilítase a sala de microondas para comidas que poderá empregar calquera membro da comunidade da Facultade, sempre e cando se respecte a capacidade da sala, que estará indicada na porta, e sempre e cando se manteñan as medidas de seguridade (distancia, máscara e lavado frecuente de mans).
- Pola natureza e frecuencia de uso, velarase especialmente para que a entrada á Biblioteca e o acceso á reprografía sexan feitas mantendo estritamente as distancias de seguridade.
-Con carácter xeral nas instalacións da facultade só se poderá exhibir a información institucional oficial que sexa necesaria, e a derivada dos protocolos e medidas de actuación fronte á COVID- 19 nos espazos físicos ou electrónicos para esta finalidade. Por tanto procederase á retirada de toda a publicidade e información existente en taboleiros, portas e espazos en xeral do centro.
- O estudantado poderá utilizar un taboleiro habilitado para os grupos e/ou asociacións estudantís nos andares segundo e terceiro. sempre baixo a responsabilidade da persoa ou grupo que coloca información e para os efectos de información estudantil. Non se poderán pendurar neste taboleiro folletos, dípticos, trípticos ou similares para levar nin publicidade con tiras para arrincar e levar.
- Evitaranse sempre os lugares pechados ou con pouca ventilación, os espazos concorridos e o contacto próximo, cara a cara.
Ventilación
A ventilación e calidade do aire do edificio é un elemento fundamental para a prevención e protección das persoas que o usan, máis no caso dun edificio como o noso, con coñecidas carencias neste ámbito. Para tal:
• Permanecerán abertas, con carácter xeral, as portas de emerxencia e as xanelas e as portas dos espazos comúns. A apertura e peche destas só poderá ser feita polo persoal de Recepción, Equipo Decanal, Servizo de Limpeza ou outras persoas expresamente autorizadas polo Equipo Decanal.
• En xeral, o/a docente ou persoa que reservou un espazo é responsable do seu correcto uso e ventilación, nos termos antes expresados, avisando o persoal de recepción cando o espazo fique libre e baleiro.
- Ventilaranse frecuentemente as dependencias do centro. Como mínimo, ventilaranse diariamente ao inicio e ao final da xornada e ao final de cada uso. Durante dez minutos, ou quince se o espazo estaba ocupado previamente.
- As aulas serán de 45 minutos (desde e cinco ata menos dez) para que as salas sexan hixienizadas e ventiladas despois de cada aula. Para isto, o/a docente garantirá, xuntamente co estudantado presente, que fiquen abertas as portas e as xanelas destas, que poderán continuar
abertas na próxima aula se iso non resultar incómodo as persoas asistentes ou para outras de aulas próximas.
- O docente e o/a estudante que teña aula nunha sala poderá permanecer nela entre aula e aula.
Con carácter xeral, as persoas que teñan aula, deberán entrar 5 minutos antes do seu comezo.
- Evitarase a recirculación do aire e reforzarse a limpeza dos filtros de aire.
Limpeza e desinfección
- Limparanse e desinfectaranse lugares, instalacións e equipos de traballo de uso común de xeito prioritario e en función dos recursos humanos dispoñibles. A limpeza efectuarase diariamente, ao inicio ou remate da xornada e nos cambios de quenda e reforzarase naqueles espazos que o precisen pola súa intensidade de uso, como os aseos.
- Limparanse máis a miúdo e con especial atención as superficies de contacto frecuente.
- Para desinfección, utilizaranse desinfectantes como dilucións de lixivia (1:50) preparada no momento ou calquera dos desinfectantes con actividade virucida autorizados e rexistrados.
- No caso de apertura do centro despois dun tempo de inactividade, efectuarase a limpeza que viña sendo habitual.
- O centro determinará e supervisará, en cada momento, as necesidades de limpeza e desinfección en función dos postos de traballo, aulas e zonas comúns utilizadas e da súa intensidade de uso e comunicaraas á Xerencia no caso de precisar axustes no servizo de limpeza contratado.
- Os traballadores/as deberán manter limpos os seus obxectos e utensilios de traballo persoais, como teléfono e dispositivos electrónicos. Prégase ao profesorado que manteñan limpos os seus despachos xa que o servizo de limpeza diminuirá a intensidade de limpeza nestes lugares para incrementala nos espazos de uso común.
- O alumnado disporá de material de limpeza para a limpeza e desinfección dos seus lugares de traballo. Prégase ao profesorado que lembre nas salas de aulas ao estudantado a necesidade de realizar esta limpeza.
Equipamento
- Haberá á entrada e saída do centro dispensadores de xel hidroalcohólico.
- Para levar a cabo as labores de limpeza e desinfección haberá material hixiénico preto de cada sala de aula ou das distintas dependencias do centro nas que se realice algunha actividade que implique contacto con superficies ou obxectos de uso compartido. Todas as persoas usuarias (docentes, discentes ou outro persoal se é o caso) deberán empregar o material de limpeza do seu posto antes do uso.
- Disporase en cada sala de aulas e nas distintas dependencias do centro de papeleiras con bolsas de lixo de plástico, que se limparán frecuentemente, para depositar o material dun só uso:
panos, máscaras etc.
- Contarase en todos os aseos, con dispensadores de xabón para lavar as mans, panos dun só uso, papel hixiénico e cubos con bolsas do lixo de plástico.
- Proporcionarase aos traballadores/as máscara para a súa utilización obrigatoria.
- Contarase con máscaras cirúrxicas por se alguén presentase síntomas de COVID-19.
- Colocarase, nos lugares máis apropiados ao caso, sinalización informativa sobre a COVID-19 en relación con:
• Prohibición de acceso en caso de presentar síntomas compatibles coa COVID19, ter diagnosticada a enfermidade e non ter rematado o período de illamento ou estar en situación de corentena.
• Lavado de mans nos baños.
• Desinfección de mans xunto aos dispensadores de xel.
• Etiqueta respiratoria: Tusir ou esbirrar sobre un pano dun só uso ou, no se seu defecto, sobre a parte interna do cóbado e non tocar boca, nariz e ollos antes de lavar as mans.
• Uso de ascensores.
• Uso individual dos aseos de ata 4 metros cadrados.
• Distancia se seguridade.
• Uso obrigatorio de máscara.
Máquinas e equipos de autoservizo
- Sinalizarase a obriga de desinfectar as mans antes e despois de pulsar os botóns.
- Manterase a distancia de seguridade interpersoal mínima establecida en cada momento polas autoridades sanitarias. De ser preciso, colocaranse marcas no chan, con cinta adhesiva ou similar, onde sexa previsible que se formen colas.
- As empresas propietarias garantirán que as máquinas e equipos estean en perfectas condicións de limpeza e mantemento e colocarán nas proximidades xel hidroalcohólico para que as persoas usuarias procedan á desinfección das mans.
- No caso de que non se dispoña de xel hidroalcohólico ou non repoña por parte da empresa, a Delegada COVID procederá á clausura do espazo para impedir o seu uso.
Outros espazos de uso común
- En calquera espazo do centro que poida considerarse de uso común ou compartido teranse en consideración as medidas de carácter xeral contidas neste protocolo no relativo a ventilación, limpeza, medidas de hixiene, distancia de seguridade, uso obrigatorio de máscara e sinalización.
- En caso de contar con equipamento ou obxectos de uso compartido, colocar un produto desinfectante e panos dun só uso para ser desinfectados, por cada usuario/a, antes e despois do seu uso.
- Evitar o agrupamento de persoas. De ser preciso crear quendas de horario para o uso destas instalacións. -Non superar o 50% do aforo.
- Non poderán agruparse máis de catro persoas, cumprindo en todo caso coa distancia de seguridade entre persoas e uso de máscara.
- Só se permitirá o consumo de comida e bebida en espazos dispostos para este uso.
Neste caso, ademais das medidas anteriores, serán de aplicación:
• A ocupación máxima por mesa ou grupos de mesas será de catro persoas.
• A disposición das mesas debe realizarse de forma que a distancia entre respaldos das cadeiras sexa de 1,5 metros polo menos. A distancia entre comensais dunha mesma mesa debe ser de 1,5 metros como mínimo.
• O uso da máscara protectora é obrigatorio, agás durante á inxestión dos alimentos, aínda que se poida manter a distancia de seguridade.
• Non se compartirá ningún material nin alimentos ou bebidas.
• A permanencia nestes espazos de uso común comúns limitarase ao tempo imprescindible.
Cafetaría
No que atinxe ao servizo de Cafetaría na Facultade véxase o apartado 3.i (Comedores e cafeterías universitarias) da
Guía de actuación fronte ao coronavirus (COVID-19) para os centros e persoal da USC con traballo presencial (Edición 32 do 16-04-2021).
4.3 MEDIDAS PARA MANTER A DISTANCIA DE SEGURIDADE
- Só se poderá circular polas instalacións para o cumprimento dalgunha actividade autorizada.
-O estudantado que non asista a aulas presenciais, biblioteca, atención docente (para que se recomenda a cita previa por correo-e) ou outras actividades previamente programadas e aprobadas polo centro non poderá permanecer no interior do centro, tampouco entre aula e aula se non tiver esta de modo inmediato. Poderá permanecer, se o desexar, nos baixos da Facultade.
- Se for necesario, ordenaranse as entradas, saídas, circulación interna e permanencia en lugares comúns e distintas dependencias das persoas para evitar agrupamentos e garantir a distancia de seguridade interpersoal mínima establecida en cada momento polas autoridades sanitarias. En todo caso, sempre que sexa posible, procurarase maximizar a distancia entre as persoas. De ser preciso, graduaranse as entradas e saídas.
- A distancia entre postos nas aulas docentes e nas salas de lectura determinarase de conformidade coas instrucións que comunique o Responsable Global COVID-19. As aulas terán identificado a capacidade máxima, unha vez aplicadas as medidas para manter a distancia de seguridade interpersoal.
- Respectaranse as vías de evacuación e saídas de emerxencia establecidas nos plans de autoprotección de cada centro.
- Os aseos serán de uso individual para espazos de ata catro metros cadrados, ademais do/a acompañante no caso de persoas que precisen asistencia. En espazos de máis de catro metros cadrados, que conten con máis dunha cabina ou urinario, a ocupación máxima dos aseos será do cincuenta por cento do número de cabinas ou urinarios, debendo manterse sempre a distancia de seguridade interpersoal mínima establecida en cada momento polas autoridades sanitarias no acceso e permanencia ao espazo.
4.4 USO OBRIGATORIO DE MÁSCARA
É obrigatorio o uso da máscara en todo momento no centro e na súa contorna para todas as persoas que compartan espazo. Non se requirirá o uso de máscara nos seguintes supostos sempre que se xustifique documentalmente:
• Persoas que presenten algún tipo de enfermidade ou dificultade respiratoria que se poida agravar polo uso da máscara, ou que non dispoñan de autonomía para quitarse a máscara ou que presenten alteracións de conducta que impidan a súa utilización.
• En supostos de forza maior ou situación de necesidade.
• Cando o uso da máscara resulte incompatible coa natureza da actividade, conforme coas indicacións das autoridades sanitarias.
4.5 MEDIDAS DE PROTECCIÓN PERSOAL
O uso da máscara no centro e na súa contorna, as medidas de hixiene adecuadas e a etiqueta respiratoria serán obrigatorios en todo momento, aínda que se poida manter a distancia de seguridade interpersoal mínima establecida polas autoridades sanitarias en cada momento. En
todo caso, sempre que sexa posible, intentarase maximizar a distancia de seguridade entre persoas.
- Non se poderá fumar nin no interior nin nos baixos do edificio nin nun perímetro de dous metros do exterior deste.
- Todo o persoal e o alumnado debe tomar a temperatura antes de saír da casa e, no caso de que sexa superior a 37’5º, non acudir ao centro e comunicalo á Oficina de Xestión COVID-19 (8818-11111 ou [email protected]) para activar os protocolos de seguimento de contactos, se fose o caso.
- Todas as persoas que concorran nun mesmo espazo deberán empregar máscara.
- Evitarase o saúdo con contacto físico. Non se dará a man nin se bicará.
- Lavaranse as mans con auga e xabón durante un mínimo de 40 segundos ou desinfectalas co xel hidroalcohólico á entrada e saída do edificio e en todas as dependencias nas que se realice unha actividade que requira contactar con superficies ou obxectos de uso compartido.
- Desinfectaranse as mans con xel hidroalcohólico despois de contacto con superficies, documentos ou calquera obxecto.
- Lavaranse/desinfectarse as mans antes e despois de utilizar máscara ou luvas.
- Taparase a boca e o nariz cun pano dun só uso ou, no seu defecto, coa parte interior do cóbado, ao tusir ou esbirrar.
- Depositarase o material hixiénico dun só uso (panos, máscaras, etc.) na papeleira con bolsa de lixo de plástico que se habilite ao efecto.
- Minimizarase o contacto das mans coa boca, ollos e nariz a menos que se lavasen previamente.
- Limitarase a circulación de documentos en papel.
- Evitarase compartir ferramentas, materiais, utensilios de traballo ou calquera tipo de obxecto.
- No caso do material de uso común, desinfectarase antes e despois do seu uso.
- Lavaranse e desinfectaranse as mans antes e despois de pulsar os botóns de equipos de uso común, como as máquinas expendedoras.
- Utilizaranse as escaleiras. Non poderán ser utilizados os ascensores, excepto caso de necesidade e previa autorización do persoal da Recepción, cumprindo as normas específicas do seu uso (non pode ser usado por máis dunha persoa, agás no caso de persoas que precisen da asistencia de acompañante). En ningún caso se deberá superar o 50% da capacidade dos ascensores.
4.6 ACTIVIDADES Docencia e prácticas
- As aulas e laboratorios contan coas condicións e equipamento xerais requiridos neste protocolo para as instalacións do centro: ventilación, limpeza/desinfección, dispensadores de xel hidroalcohólico, papeleiras; así como coas medidas dispostas neste protocolo para mantemento da distancia de seguridade entre persoas.
- Empregaranse os kit de autolimpeza para a desinfección de equipos e superficies que poidan ser compartidos con outras persoas.
- O alumnado deberá rexistrar a súa asistencia ás aulas para facilitar o contacto e seguimento das persoas no suposto de aparición de casos sospeitosos ou confirmados.
- A distancia mínima entre os asentos das aulas ou os postos para realización de prácticas será de 1,5 metros. En todo caso, será obrigatorio o uso de máscara e o cumprimento das medidas de hixiene adecuadas e etiqueta respiratoria.
- Estarán identificados e numerados os postos que se poderán ocupar, tendo en conta a distancia de seguridade interpersoal aplicable, para facilitar o rexistro de asistencia. Recoméndase que, na medida do posible, o alumnado conforme grupos estables atendendo á súa preferencia e ocupe o mesmo posto na aula.
- Dotarase cada recinto de panos e desinfectante para desinfección de superficies, materiais, utensilios e equipamento compartido, con independencia dos traballos efectuados con carácter previo polo servizo de limpeza.
- No caso de uso de transporte colectivo para realización de prácticas de campo ou outras actividades que requiran desprazamento, haberá que cumprir as medidas para transporte público que dispoñan as autoridades sanitarias.
- Disporase de carteis informativos sobre a distancia de seguridade, hixiene de mans e hixiene respiratoria.
- De ser posible, e aconsellable tendo en conta o tamaño da aula e a distancia co alumnado, recoméndase a utilización de dispositivos electrónicos para non forzar a voz para o persoal docente. O volume elevado da voz aumenta o risco de transmisión do virus así como a posibilidade de padecer trastornos de saúde vocal.
- Os espazos dos centros utilizados para impartir a docencia online cumprirán coas condicións contidas nesta Guía no relativo a ventilación, limpeza e medidas de hixiene; así como distancia de seguridade e uso obrigatorio de máscara no caso de que o espazo sexa compartido.
Probas de avaliación presenciais
- As salas de aulas nas que se realicen as probas deberán contar coas condicións e equipamento xerais requiridos neste protocolo para as instalacións do centro: ventilación, limpeza/desinfección, dispensadores de xel hidroalcohólico, papeleiras; así como coas medidas dispostas neste protocolo para mantemento da distancia de seguridade entre persoas.
- Identificaranse os asentos a ocupar, ou inhabilitaranse os asentos que non se ocupen, para garantir a distancia de seguridade mínima entre persoas establecida en cada momento polas autoridades sanitarias. En todo caso, é obrigatorio o uso de máscara, as medidas de hixiene adecuadas e de etiqueta respiratoria. Sempre que sexa posible, maximizarase a distancia entre persoas.
- Organizarase a entrega e recollida dos exames evitando no posible o contacto entre os examinadores/as e os alumnos/as. O material a utilizar no exame pode colocarse no posto de cada alumno/a con anterioridade a que estes/as os ocupen.
- Nas situacións nas que sexa imprescindible a aproximación, que mesmo puidese dar lugar a contacto (intercambio de documentación, procesos de identificación, recollida de exames, etc.):
• Na medida do posible gardar a distancia de seguridade e evitar o contacto persoal.
• Lavar/desinfectar as mans despois de cada tarefa e coidado rigoroso de non tocar a cara antes do lavado/desinfección.
• Contarase con dispensadores de xel desinfectante, panos dun só uso e papeleiras nos lugares onde se realicen estas tarefas.
• Non se compartirá ningún tipo de obxecto. No caso de que fose imprescindible utilizar obxectos de uso común, desinfectaranse previamente (xel, panos húmidos de hixiene...) e procederase ao posterior lavado/desinfección das mans. Se as
características do obxecto non permitisen o uso de axentes desinfectantes, cada persoa desinfectará as mans antes de utilizalo e desinfectará de novo as mans despois da súa utilización.
Procesos selectivos
Ademais de cumprir coas condicións requiridas, en xeral, para as instalacións da USC (aforo, sinalización, distancia de seguridade entre persoas, limpeza, equipamento de hixiene e obriga de utilizar máscara e observar as medidas de hixiene requiridas), nos recintos nos que se realicen procesos selectivos observaranse as seguintes medidas:
• As persoas aspirantes permanecerán sentadas e deberán gardar unha distancia mínima de seguridade de 1,5 metros en todas as direccións.
• O límite máximo de persoas aspirantes que poderán acceder ao recinto será de 250.
• As instalacións cubertas ventilaranse ao comezo e ao final da xornada durante un mínimo de 30 minutos, ao finalizar cada actividade e de forma frecuente durante a xornada. No caso da utilización de sistemas de ventilación mecánica, deberá aumentarse a subministración de aire fresco e non se poderá empregar a función de recirculación do aire interior.
• Deberá existir un rexistro de persoas aspirantes e custodialo durante un mes despois da actividade, coa información do contacto dispoñible para as autoridades sanitarias, cumprindo coas normas de protección de datos de carácter persoal.
• Controlaranse entradas, saídas e permanencia no centro e recinto nos que se realicen estas actividades para evitar aglomeracións e garantir a distancia de seguridade entre persoas. De ser preciso, contarase coa colaboración de persoal para esta tarefa.
Outras medidas relativas á organización do traballo
Teñen a consideración de medidas preventivas fronte á propagación da COVID-19 aquelas relativas ó organización do traballo que se poñen en funcionamento coa finalidade de limitar a mobilidade ao mínimo imprescindible e minimizar o contacto entre persoas que poidan concorrer nos centros, lugares e postos de traballo.
A realización do traballo de forma non presencial en actividades cuxa natureza o permita, ou semipresencial en actividades que non requiran dunha presencia continuada no posto de traballo, aterase aos criterios que estableza a normativa interna da USC que a tal efecto se emita.
En todo caso, a realización do traballo non presencial de postos de traballo que non teñan a consideración formal de teletraballo deberá ter en conta o disposto na guía “Información preventiva relativa ao uso de pantallas de visualización de datos fóra do lugar habitual de traballo”: https://www.usc.es/export9/sites/webinstitucional/gl/goberno/xerencia/COVID-19/Guia- traballo-de-PVD-en-casa.pdf.
Consúltese tamén a
Guía de actuación fronte ao coronavirus (COVID-19) para os centros e persoal da USC con traballo presencial (Edición 32 do 16-04-2021).
Biblioteca
- A Biblioteca ten un protocolo específico publicado na seguinte páxina web:
https://www.usc.gal/gl/servizos/biblioteca/.
- A biblioteca da Facultade de Filoloxía ten habilitados arredor de 100 lugares de uso individual con distancia de seguridade e previo rexistro individual de acceso; e procurarase o maior e mellor uso dos seus fondos sempre garantindo a seguridade hixiénico-sanitaria debida e dentro do seu protocolo específico, ao non depender nin orgánica nin funcionalmente do Decanato.
- O capacidade máxima dos locais da biblioteca é na actualidade do 50% da súa capacidade e debe permitir manter a distancia de seguridade interpersoal mínima establecida en cada
momento. En calquera caso, sempre que sexa posible, procurarase maximizar a distancia entre persoas.
- O material solicitado estará preparado para recollida pola persoa usuaria no mostrador de préstamo.
- As persoas usuarias respectarán en todo momento a distancia de seguridade e, de ser o caso, respectarán os sinais que a tal efecto se coloquen no chan.
- O eventual acceso aos fondos farase mantendo as medidas de seguridade seguindo as indicacións do persoal da Biblioteca.
- Na zona de atención ao público, separada do mostrador, colocarase unha caixa de cartón onde o usuario/a depositará os libros que vai devolver.
- Os asentos dispoñibles na sala de lectura estarán sinalizados e serán inhabilitados, despois do seu uso, ata que se proceda á limpeza do posto de lectura.
- Os portátiles poderán prestarse coas condicións anteriores á COVID-19, pero asegurarase a limpeza e desinfección dos equipos unha vez devoltos.
- Os equipos informáticos das bibliotecas ao dispor dos usuarios/as poderán empregarse, sempre que se respecten as medidas de seguridade relativas á distancia de seguridade e as normas de hixiene das mans antes e despois do uso.
- Previo rexistro e mantendo a preferencia polo estudantado e PDI da Facultade, poderán acceder á Biblioteca persoas alleas á comunidade universitaria vinculada ao centro.
- O persoal da biblioteca contará cun protocolo da BUSC de aplicación nas bibliotecas da USC.
Atención ao público
- Hai toda unha serie de actividades que se realizan no centro que poden clasificarse entre as consideradas como de atención ao público: as consultas e xestións realizadas na conserxería ou noutras unidades do centro, a utilización dos servizos da biblioteca ou as titorías ou entrevistas mantidas entre profesorado e alumnado. En xeral, neste tipo de actividades serán de consideración as seguintes medidas de prevención e protección:
• Os postos de traballo destinados expresamente para atención ao público contarán con elementos separadores (anteparos de metacrilato, por exemplo) no caso de non poder asegurar a distancia mínima de seguridade interpersoal establecida en cada momento.
• Para atención ao alumnado en despachos, ordenaranse as mesas e asentos de tal forma que se poida manter en todo momento a distancia de seguridade entre persoas.
• Utilizaranse caixas ou bandexas para depositar os documentos evitando así o contacto directo.
• Limparanse e desinfectaranse as mans e superficies de traballo despois de cada persoa atendida.
• As persoas usuarias estarán obrigadas a levar máscara, que non poderá ter válvula de exhalación.
• Cumprirase coas medidas organizativas que, de ser o caso, se establezan para ordenar o acceso a postos de traballo de atención ao público.
Reunións e actos académicos
Realizaranse preferentemente de forma telemática.
No caso de ser presenciais deberán cumprir cos seguintes requisitos:
- Os recintos nos que se realicen reunións e outros actos académicos (congresos, seminarios etc.) cumprirán coas condicións de cabida, sinalización, distancia de seguridade entre persoas, ventilación, limpeza, equipamento de hixiene e obriga de utilizar máscara e observar as medidas de hixiene requiridas, en xeral, para as instalacións da USC.
- O público deberá permanecer sentado e a capacidade do recinto calcularase dentro da capacidade permitida, de forma que se garde sempre a distancia mínima de seguridade de 1,5 metros nas catro direccións entre os asistentes, salvo que se trate de persoas conviventes.
- Non se superará o 50% da capacidade autorizada do local nin o máximo de 75 persoas para lugares pechados e 150 persoas ao aire libre.
- Inhabilitaranse os asentos que impidan cumprir coa distancia de seguridade.
- Evitarase, na medida do posible, o paso de persoas entre filas para respectar a distancia de seguridade
- As persoas oradoras, relatoras ou similares poderán quitar a máscara no momento da súa intervención, sempre que manteñan a distancia de seguridade entre as persoas que se sitúen ao seu lado e manteñan unha distancia mínima de 3 metros con respecto a primeira fila do público.
- Non se compartirá ningún tipo de obxecto. No caso de que fose imprescindible utilizar obxectos de uso común, procederase ao lavado/desinfección das mans.
Neste sentido, infórmase aquí tamén que a capacidade máxima do Salón de Actos é de 114 lugares e o Salón de Graos de 38 (mantendo a distancia de seguridade actual de 1.5 metros).
4.7 ALUMNADO
Antes do inicio do curso, o alumnado estará informado sobre as medidas de protección persoal e as medidas a observar nas instalacións do centro contidas neste protocolo. Esta información tamén se incluirá na Web e redes sociais.
O alumnado de titulacións oficiais de grao, mestrado e doutoramento terá dereito a unha máscara hixiénica reutilizable que poderá retirar no centro onde figure matriculado durante a primeira semana de aulas.
O estudantado non poderá acceder ao centro en caso de atoparse nalgunha das seguintes situacións:
• Presentar sintomatoloxía compatible coa COVID-19
• Estar en illamento domiciliario por diagnóstico por COVID-19
• Estar en período de corentena domiciliaria por manter un contacto estreito con algunha persoa diagnosticada de COVID-19.
- No caso de pertencer a grupo de poboación considerada como vulnerable para COVID-19 deberán seguir as indicacións do seu médico/a.
- Os/as acompañantes do alumno/a con necesidades especiais deben cumprir coas normas de prevención fronte á COVID-19
O alumnado recibirá así mesmo información sobre as medidas de protección persoal:
• Uso obrigatorio de máscara, sen válvula de exhalación.
• Toma de temperatura antes de saír do domicilio.
• Lavado/desinfección das mans á entrada e saída do centro, á entrada e saída dos locais onde realice actividades e cando contacte con superficies e obxectos de uso común.
• Evitar a circulación de documentos en papel.
• Non compartir obxectos persoais.
• Desinfectar, antes do seu uso, os materiais, ferramentas e utensilios compartidos na realización das prácticas. Igualmente se procederá cos equipos de traballo de uso compartido.
• Reducir ao mínimo os desprazamentos de grupos de alumnos/as polo centro.
• É recomendable que cada alumno/a utilice sempre a mesma mesa ou posto.
• A indumentaria bolsos, mochilas, etc. colocaranse debaixo da cadeira.
• Cumprir coas indicacións da sinalización colocada no centro e coas instrucións que, de ser o caso, se transmitan en relación coa COVID-19.
4.8 PERSOAL DA USC
Para todo o non recollido neste protocolo en relación coas medidas de prevención e protección fronte á COVID-19 é de aplicación para o persoal da USC o establecido na
Guía de actuación fronte ao coronavirus (COVID-19) para os centros e persoal da USC con traballo presencial (Edición 32 do 16-04-2021)
, especialmente todo o referente a cuestións non tratadas neste protocolo como: avaliación do posto de traballo, riscos e medidas preventivas para actividades profesionais concretas, utilización de equipos de protección individual ou persoal especialmente sensible.4.9 XESTIÓN DE CASOS DE COVID-19
A COVID-19 é unha enfermidade que se debe declarar obrigatoriamente ás autoridades sanitarias.
1º. Aparición de síntomas
1.a) Se alguén presenta síntomas no seu domicilio non acudirá á Universidade e deberá chamar ao teléfono de atención á COVID-19 (900 400 116), ou ao seu centro de atención primaria e seguir as instrucións recibidas.
1.b) Se alguén no centro presenta síntomas compatibles coa COVID-19 durante o desenvolvemento dalgunha actividade, deberá auto-illarse no espazo habilitado para este efecto ou, de ser o caso, no seu lugar de traballo sempre que sexa de uso individual.
A persoa afectada, igual que as persoas que a acompañen se é o caso, debe usar unha máscara cirúrxica. Se por calquera motivo, a persoa que inicia síntomas non pode utilizar máscara, as persoas acompañantes levarán máscara FFP2.
No caso de percibir que unha persoa que inicia síntomas está nunha situación de gravidade deberase chamar ao 061.
2º Comunicación á Universidade
En calquera dos supostos anteriores, a persoa con síntomas comunicará esta circunstancia á Xerencia (Responsable COVID-19 da USC) a través da Oficina de Xestión COVID-19, coa maior brevidade posible ([email protected] ou ao teléfono 8818-11111) para activar o seguimento e control do caso, en colaboración coas autoridades sanitarias.
3º Seguimento dos contactos e adopción de medidas
Desde o momento que se confirme un caso de COVID-19 a Xerencia, a través do Servizo de Vixilancia da Saúde, realizará un estudo de contactos do caso confirmado coa colaboración coa Delegada COVID-19 do centro afectado e coas autoridades sanitarias, para o que se requirirán os rexistros de acceso e asistencia á docencia se fose necesario para poñer os datos en coñecemento das autoridades sanitarias.
Determinarase con que outras persoas da comunidade universitaria estivo en contacto estreito (a menos de dous metros de distancia durante máis de 15 minutos sen máscara) desde as 48 horas antes do inicio dos síntomas ata o seu illamento, de conformidade cos protocolos sanitarios vixentes.
A Xerencia, en coordinación coa Delegada COVID e coas autoridades sanitarias, adoptará e comunicará as decisións, de ser o caso, que afecten ao resto de persoas que desenvolvan a súa actividade nesa instalacións e que deban deixar de asistir ao traballo ou ás actividades académicas presenciais.
No suposto de que se produza un abrocho nun edificio e as autoridades sanitarias así o determinen, a Xerencia comunicará á Delegada COVID o alcance das medidas a adoptar en relación coa suspensión de actividades presenciais podendo determinar, en función da extensión do abrocho, o peche total do edificio polo período de corentena que se estableza.
Por regra xeral, o alumnado que pasa a unha situación de illamento terá o dereito de recibir a docencia correspondente de forma non presencial, sempre atendendo ás especificidades de cada materia. A Delegada COVID-19 encargarase de velar porque o alumnado afectado que deba realizar o illamento e os contactos estreitos, que fagan a corentena, reciban a docencia das diferentes materias nas que estea matriculado.
4.10 TRATAMENTO DE DATOS DE CARÁCTER PERSOAL
O tratamento de datos persoais farase de conformidade co disposto no Regulamento (UE) 679/2016 do Parlamento Europeo e do Consello, do 26 de abril de 2016, relativo á protección das persoas físicas no que respecta ao tratamento de datos persoais e á libre circulación destes datos e polo que se derroga a Directiva 95/46/CE, e coa Lei orgánica 3/2018, do 5 de decembro, de protección de datos persoais e garantía dos dereitos dixitais.
O tratamento ten por finalidade o seguimento e vixilancia epidemiolóxica da COVID-19, atendendo a razóns de interese público esencial no ámbito específico da saúde pública e para a protección de interese vitais das persoas afectadas e doutras persoas físicas. Os datos poderán cederse ás autoridades sanitarias competentes e, de non haber incidencias, cancelaranse aos 15 días.
5. PLANOS DE CENTRO
Achégase en anexo (Anexo 2) os planos do centro coa:
- a sinalización da sala de illamento - a localización da Delegada COVID-19
- a localización dos voluntarios/as fronte á COVID-19 - a localización do material de prevención
- a sinalización dos accesos, saídas e vías de circulación dispostos no centro
Calquera dúbida ou problema na interpretación ou aplicación deste protocolo deberá ser canalizada ao Equipo Decanal.
Anexo 1
Facultade de Filoloxía 2020-2021
PORCENTAXE DE MATERIAS EN CADA ESCENARIO
Materias en escenario 1: 56 % Materias en escenario 2: 44 %
PRESENCIALIDADE NAS MATERIAS EN ESCENARIO 2
Cantidade de presencialidade Porcentaxe de materias con esta cantidade de presencialidade 1 hora semanal de media de docencia
presencial (33% de docencia presencial)
34%
Entre 1 e 2 horas semanais de media (entre o 33% e o 66% de docencia presencial)
21%
Entre 2 e 3 horas semanais de media (máis do 66% de docencia presencial
15%
2 horas semanais de media (66 de docencia presencial)
11’5%
Menos dunha hora quincenal de media (menos do 17% de docencia presencial)
9’5%
Anexo 2
FACULTADE DE FILOLOXÍA 2020-2021
PLANOS
SALA DE ILLAMENTO 3º ANDAR
Sala de illamento
D01 Localización das/os
voluntarias/os COVID-19
D15
LOCALIZACIÓN DA DELEGADA COVID-19 1º ANDAR
Delegada COVID-19
BAIXO
Entrada e saída de persoal do centro Entrada e saída
de persoal externo
Entrada e saída do estudantado
